მოხალისეთა ორგანიზაციამ ფახულანის პირველ საჯარო სკოლაში საინფორმაციო შეხვედრა გამართა
საინფორმაციო შეხვედრა გამართა წალენჯიხის მუნიციპალიტეტის სოფელ ფახულანის პირველ საჯარო სკოლაში.
2026 წლის 15 აპრილს მოხალისეთა ორგანიზაციამ „ახალგაზრდობა და ვეტერანები ეროვნული თავდაცვისა და უსაფრთხოებისთვის“ საინფორმაციო შეხვედრა გამართა წალენჯიხის მუნიციპალიტეტის სოფელ ფახულანის პირველ საჯარო სკოლაში.
ღონისძიების მასპინძელი იყო ქართულ-აფხაზური ჯანდაცვისა და საგანმანათლებლო პროექტების ხელმძღვანელი, პარტია „ქართული ოცნების“ წევრი და რეგიონული კულტურულ-საგანმანათლებლო ჰაბის თანაპარტნიორი, აღმასრულებელი ხელმძღვანელი ქალბატონი ლანა ლაცუზბაია.
შეხვედრას მხარდაჭერა გაუწია ზუგდიდისა და ცაიშის ეპარქიის ახალგაზრდობის, განათლებისა და კულტურის ცენტრის აღმასრულებელმა ხელმძღვანელმა გიორგი ფიფიამ.
ღონისძიების დასასრულს, ზუგდიდისა და ცაიშის ეპარქიის მიტროპოლიტ გერასიმეს ლოცვა-კურთხევით, ეპარქიის განათლებისა და კულტურის ცენტრისა და მასთან არსებული რეგიონული კულტურულ-საგანმანათლებლო ჰაბის წარმომადგენლებმა — ქალბატონმა ლანა ლაცუზბაიამ და ბატონმა გიორგი ფიფიამ — მოწვეულ საპატიო სტუმრებს საჩუქრები გადასცეს. ასევე დაიგეგმა სამომავლო თანამშრომლობის გეგმები.
შეხვედრას საპატიო სტუმრების სტატუსით ესწრებოდნენ აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია, ორგანიზაციის დირექტორი ედუარდ ჯიშკარიანი და საქართველოს გენერალთა კლუბის აღმასრულებელი დირექტორი მალხაზ ჩიხლაძე.
ღონისძიების ფარგლებში ორგანიზაციის სპიკერმა გიორგი გოდერძიშვილმა წარადგინა პრეზენტაცია ორგანიზაციის საქმიანობისა და სასწავლო პროგრამების შესახებ, ხოლო თამარ საბაურმა ჩაატარა სამოქალაქო თავდაცვის საჩვენებელი ლექცია.
შეხვედრას ესწრებოდნენ ფახულანის, ჭალისა და ლიის თემის საჯარო სკოლების დირექტორები და მოხალისეთა ორგანიზაციის წარმომადგენლები.
პრეზენტაციამ მოსწავლეებში დიდი ინტერესი გამოიწვია. მათ გამოთქვეს სურვილი, ჩაერთონ მოხალისეთა მომზადების პროცესში და გაიარონ შესაბამისი კურსი გომბორის მოხალისეთა მომზადების ცენტრში.
სკოლების ადმინისტრაციებმა დაადასტურეს მზადყოფნა ორგანიზაციასთან თანამშრომლობისა და მოსწავლეთა აქტიური ჩართულობის ხელშეწყობის მიმართულებით.
გომბორის მოხალისეთა მომზადების ცენტრში მონაწილეებს შესაძლებლობა აქვთ შეისწავლონ თვითგადარჩენა, საცეცხლე მომზადება, დრონების მართვა, პირველადი სამედიცინო დახმარება, საინჟინრო მომზადება, ტოპოგრაფია, კიბერუსაფრთხოება და სამოქალაქო თავდაცვა.
ცენტრის 2026 წლის სასწავლო სეზონი ოფიციალურად 4 მაისს გაიხსნება და 9 ოქტომბრამდე გაგრძელდება.
მართლმადიდებელ ჟურნალისტთა კავშირმა დაწერა, 18 აპრილი ოპტინის უდაბნოში მოკლული სამი ბერის ხსოვნის დღეა.
წაიკითხეთ ასევე
ბერძენი მამა პეტრე ჰირსი: „ეკუმენიზმი - ბოლო ჟამის ცდუნება“
მამა პეტრე ჰირსმა მართლმადიდებელი ჟურნალისტების კავშირის ბერძნული გამოცემის კითხვებს უპასუხა.
უწმინდესისა და უნეტარესის შიო III-ის ქადაგება სულთმოფენობიდან ოცდამეერთე კვირას
,,ყოველი ჩვენგანი ცხოვრებაში – სამსახურში, ოჯახში თუ ცხოვრებისეულ გარემოებებში – ვხვდებით სირთულეებს, მწუხარებას და ძალიან განვიცდით ამის გამო, მაგრამ უფალი გვასწავლის, რომ ნუ სტირი და ნუ მწუხარებ.''- შიო III
იგეგმება მეტეხის ღვთისმშობლის ტაძრის სრული რეაბილიტაცია
პროექტი ეროვნული მნიშვნელობის ძეგლის კონსტრუქციულ გამაგრებას, ნესტით გამოწვეული დაზიანებების აღმოფხვრასა და კომპლექსის სამრეკლოსა და გალავნის რეაბილიტაციას მოიცავს.
თბილისის სასულიერო აკადემიასა და სემინარიას მოსწავლეები ეწვივნენ
სტუმრები ქრისტიანული ხელოვნებათმცოდნეობის ფაკულტეტის საქმიანობას გაეცნენ და ხატწერისა და ნაქარგობის სახელოსნოები დაათვალიერეს.
საპატრიარქომ მიტროპოლიტ თეოდორეს მღვდელმთავრობის 30 წლისთავი მიულოცა
საიუბილეო მილოცვაში მღვდელმთავარს ღვთის შემწეობა, ჯანმრთელობა და ეკლესიისა და ერის საკეთილდღეოდ მრავალჟამიერი სიცოცხლე უსურვეს.
გურჯაანისა და ველისციხის ეპარქიაში სასკოლო შეხვედრები გაგრძელდა
„ღირებულებითი განათლების“ კლუბების ფარგლებში ბაკურციხისა და ვეჯინის საჯარო სკოლებში სასულიერო პირებმა მოსწავლეებთან თემატური შეხვედრები გამართეს.