18 აპრილი ოპტინის უდაბნოში მოკლული სამი ბერის ხსოვნის დღეა
ამ მოვლენამ დიდი გამოხმაურება ჰპოვა მართლმადიდებლურ სამყაროში.
1993 წლის 17-18 აპრილის ღამეს, აღდგომის ღამეს, ოპტინის მონასტრის კედლებში ტრაგედია მოხდა: სამი ბერი მოკლეს - მღვდელმონაზონი ვასილი (როსლიაკოვი) და ბერები ფერაპონტი (პუშკარევი) და ტროფიმი (ტატარნიკოვი).
ოფიციალური გამოძიების თანახმად, დანაშაული ჩაიდინა მეზობელი სოფლის მკვიდრმა ნიკოლაი ავერინმა, რომელსაც ფსიქიკური აშლილობა ჰქონდა. იმ ღამეს ის მონასტერში მივიდა დანით, რომლის პირზეც მხეცის რიცხვი „666“ იყო ამოტვიფრული.
მისი პირველი სამიზნე სამრეკლო იყო, სადაც ბერები ფერაპონტი და ტროფიმი აღდგომის ზარს რეკდნენ. ორივე სასიკვდილოდ დაჭრა. რამდენიმე საათის შემდეგ, დაახლოებით დილის 6:00 საათზე, მკვლელმა ზურგიდან დაესხა თავს მღვდელმონაზონ ვასილის, რომელიც ასევე ადგილზე გარდაიცვალა.
მკვლელი გაიქცა, მაგრამ მალევე დააკავეს. დაკითხვის დროს მან აღიარა დანაშაული. ექსპერტიზამ იგი შეშლილად ცნო და შიზოფრენიის დიაგნოზი დაუსვეს. იგი სპეციალიზებულ დაწესებულებაში იძულებითი მკურნალობისთვის გაგზავნეს.
მას შემდეგ, 18 აპრილი ,,ოპტინა პუსტინაში'' განსაკუთრებული ხსენების დღედ იქცა.
მრავალი წლის განმავლობაში, ათასობით ადამიანი ყოველდღიურად მოიხსენიებდა მათ საეკლესიო და პირად წირვა-ლოცვებში.
მართლმადიდებელ ჟურნალისტთა კავშირმა დაწერა, ეკლესია წმიდა მოწამე პოლიკარპეს მოიხსენიებს.
