დოკუმენტურმა ფილმმა „ნაზარის წერილები“ საერთაშორისო აღიარება მოიპოვა
ნაზარის წერილები
დოკუმენტურმა ფილმმა „ნაზარის წერილები“ მნიშვნელოვანი საერთაშორისო წარმატება მოიპოვა. ფილმმა ნიუ-იორკის საერთაშორისო კინოფესტივალზე მეორე ადგილი დაიკავა, ხოლო 2026 წელს პარიზის კინოფესტივალის გამარჯვებული გახდა. ფილმის რეჟისორია ჟურნალისტი გოდერძი შარაშია.
ფილმი ეძღვნება საქართველოს ისტორიის ერთ-ერთ ყველაზე შემზარავ და ტრაგიკულ ეპიზოდს — 1924 წელს ქუთათელი მიტროპოლიტის, ნაზარ ლეჟავას და მასთან ერთად ოთხი სასულიერო პირის დახვრეტას საბჭოთა რეპრესიული რეჟიმის მიერ. ნამუშევარი ეყრდნობა არქივში დაცულ 3000-მდე ისტორიულ დოკუმენტს, რაც მას განსაკუთრებულ სიღრმესა და სანდოობას ანიჭებს.
ფილმის სახელწოდება — „ნაზარის წერილები“ — სიმბოლურ დატვირთვას ატარებს. „ნაზარი“ ებრაული სიტყვაა და ნიშნავს „ღვთისთვის შეწირულს“, რაც სრულად ასახავს მიტროპოლიტ ნაზარის ცხოვრების გზასა და მოწამებრივ აღსასრულს.
მიტროპოლიტი ნაზარი, ერისკაცობაში იოსებ ანდრიას ძე ლეჟავა, 1872 წელს ქუთაისის გუბერნიის სოფელ დიდ ჯიხაიშში დაიბადა. მან განათლება ქუთაისისა და თბილისის სასულიერო სასწავლებლებსა და სემინარიაში მიიღო, მოგვიანებით კი სწავლა კიევის სასულიერო აკადემიაში განაგრძო, რომელიც მაგისტრის ხარისხით დაამთავრა. 1904 წელს ბერად აღიკვეცა და ეწოდა სახელად ნაზარი.
ნაზარი აქტიურად მონაწილეობდა საქართველოს მართლმადიდებელი სამოციქულო ეკლესიის ავტოკეფალიის აღდგენისათვის ბრძოლაში და 1918 წელს ქუთათელ მიტროპოლიტად იქნა დადგენილი. იგი მტკიცედ იცავდა ეკლესიის სიწმინდეებსა და ავტონომიას საბჭოთა ხელისუფლების ზეწოლის პირობებში.
1924 წლის 28 აგვისტოს, „განსაკუთრებული სამეულის“ გადაწყვეტილებით, მიტროპოლიტი ნაზარი და მასთან ერთად სხვა სასულიერო პირები საფიჩხიის ტყეში დახვრიტეს. 1995 წლის 19 სექტემბერს საქართველოს მართლმადიდებელი სამოციქულო ეკლესიის გადაწყვეტილებით, მიტროპოლიტი ნაზარი და მასთან ერთად წამებული სასულიერო პირები წმინდანებად შერაცხეს.
დოკუმენტური ფილმი „ნაზარის წერილები“ კიდევ ერთხელ ახსენებს საზოგადოებას ამ მძიმე ისტორიას და ნათლად წარმოაჩენს რწმენის, სიმტკიცისა და მოწამებრივი ღვაწლის მნიშვნელობას საქართველოს ისტორიულ მეხსიერებაში.
მართლმადიდებელ ჟურნალისტთა კავშირი წერდა, ქუთაისში, ბაგრატის ტაძარში საახალწლო პარაკლისი ჩატარდება.
წაიკითხეთ ასევე
ბერძენი მამა პეტრე ჰირსი: „ეკუმენიზმი - ბოლო ჟამის ცდუნება“
მამა პეტრე ჰირსმა მართლმადიდებელი ჟურნალისტების კავშირის ბერძნული გამოცემის კითხვებს უპასუხა.
უწმინდესისა და უნეტარესის შიო III-ის ქადაგება სულთმოფენობიდან ოცდამეერთე კვირას
,,ყოველი ჩვენგანი ცხოვრებაში – სამსახურში, ოჯახში თუ ცხოვრებისეულ გარემოებებში – ვხვდებით სირთულეებს, მწუხარებას და ძალიან განვიცდით ამის გამო, მაგრამ უფალი გვასწავლის, რომ ნუ სტირი და ნუ მწუხარებ.''- შიო III
იგეგმება მეტეხის ღვთისმშობლის ტაძრის სრული რეაბილიტაცია
პროექტი ეროვნული მნიშვნელობის ძეგლის კონსტრუქციულ გამაგრებას, ნესტით გამოწვეული დაზიანებების აღმოფხვრასა და კომპლექსის სამრეკლოსა და გალავნის რეაბილიტაციას მოიცავს.
თბილისის სასულიერო აკადემიასა და სემინარიას მოსწავლეები ეწვივნენ
სტუმრები ქრისტიანული ხელოვნებათმცოდნეობის ფაკულტეტის საქმიანობას გაეცნენ და ხატწერისა და ნაქარგობის სახელოსნოები დაათვალიერეს.
საპატრიარქომ მიტროპოლიტ თეოდორეს მღვდელმთავრობის 30 წლისთავი მიულოცა
საიუბილეო მილოცვაში მღვდელმთავარს ღვთის შემწეობა, ჯანმრთელობა და ეკლესიისა და ერის საკეთილდღეოდ მრავალჟამიერი სიცოცხლე უსურვეს.
გურჯაანისა და ველისციხის ეპარქიაში სასკოლო შეხვედრები გაგრძელდა
„ღირებულებითი განათლების“ კლუბების ფარგლებში ბაკურციხისა და ვეჯინის საჯარო სკოლებში სასულიერო პირებმა მოსწავლეებთან თემატური შეხვედრები გამართეს.