ესტონეთის პრეზიდენტი ეკლესიაში არსებულ ვითარებაზე: არ მომწონს იარლიყები

ესტონეთი სპრეზიდენტ ალარ კარისი. ფოტო: delfi

პრეზიდენტ ალარ კარისის თქმით, ესტონეთში ყველაფრისთვის იარლიყის მიკერება ძალიან ადვილი გახდა. როგორც მან Eesti Ekspress-თან ინტერვიუში განაცხადა, ეს საზოგადოების გაჩუმების ერთგვარი მცდელობაა.

„არ ვიცი, რა ხდება პუჰტიცას მონასტრის მონაზვნების თავში, რას ფიქრობენ ისინი. მაგრამ მე არ მომწონს იარლიყები. გარკვეულწილად, ეს საზოგადოების გაჩუმებაა“, - თქვა კარისმა ახალი შინაგან საქმეთა მინისტრის, იგორ ტაროს განცხადებაზე კომენტირებისას, რომ პუჰტიცას მონასტრის მონაზვნებს, რომლებმაც ტოომპეას შესახებ საჩივარი შეიტანეს, ესტონეთის სახელმწიფოსთან დაპირისპირების და დაჩაგრულებად წარმოჩენის სურვილი ამოძრავებდათ. ტარომ ასევე დაემუქრა მონაზვნების ბინადრობის ნებართვების გაუქმებით.

ინტერვიუში პრეზიდენტმა აღნიშნა, რომ ასეთი იარლიყები ადამიანებს საზოგადოებაში მონაწილეობის სურვილს უკარგავს. „თუ რამეს ვიტყვი, რომელიმე კანონს უარვყოფ და კრემლის აგენტად მომანიშნებს, კარგი, გადავრჩები. თუმცა, ბევრი საკუთარ თავში იკეტება. და უბრალოდ აღარ სურს საზოგადოების ცხოვრებაში მონაწილეობა. უბრალოდ ამ იარლიყების გამო“, - ხაზგასმით აღნიშნა მან.

როგორც მჟკ წერს, პრეზიდენტმა კარიშმა ორჯერ დაადო ვეტო კანონს, რომელიც ესტონეთის მართლმადიდებლური ეკლესიის წინააღმდეგ იყო მიმართული.

წაიკითხეთ ასევე