უმე-ის მორწმუნეების ლოცვითი დგომა ხოტინის მერიასთან

2022 წლის 7 თებერვალს, ჩერნივცი-ბუკოვინის ეპარქიის ხოტინის დეკანოზმა, სასულიერო პირებმა და მორწმუნეებმა გამართეს ლოცვითი დგომა ჩერნივცის რაიონის ხოტინის საქალაქო საბჭოს კედლებთან, მათ მოითხოვეს, რომ ხელისუფლებამ გააგრძელოს იჯარის ხელშეკრულება წმინდა კეთილშობილი თავადის ალექსანდრე ნეველის სახელობით ტაძართან, რომელიც დახურა ნაკრძალის "ხოტინსკაიას ციხესიმაგრე" ხელმძღვანელობამ და აქტივისტების თხოვნით, გეგმავენ მეუ-ს სარგებლობაში გადაცემას. ლოცვითი დგომის ამსახველი ვიდეო ფეისბუქზე უმე-ის ეპარქიის გვერდზე გამოქვეყნდა.

აღნიშნულია, რომ ალექსანდრე ნეველის ტაძრის მრევლმა დამოუკიდებლად აღადგინა ნაკრძალის ტერიტორიაზე არსებული ტაძარი, რომელიც 1990-იან წლებში დანგრეულ მდგომარეობაში გადაეცა უმე-ს.

მორწმუნეებთან ერთად ლოცვაზე იმყოფებოდნენ ხოტინის რაიონის დეკანოზი, მღვდელმთავარი ანატოლი მანდრიუკი, წმინდა ალექსანდრე ნეველის სახელობითი ტაძრის წინამძღვარი, დეკანოზი პაველ კორიტნიკი და ხოტინის ეპარქიის სასულიერო პირები. 

მანამდე ,,ერისკაცებმა’’ უკრაინის კულტურის მინისტრს სთხოვეს დახმარება გაეწია უმე-სთვის ხოტინის ეკლესიის დაბრუნებაში.

უმე-ს საზოგადოებასთან შეთანხმების დარღვევის ინიციატივა წამოიჭრა მეუ-ს აქტივისტებისგან, რომლებმაც ზეწოლა მოახდინეს ხოტინის ციხის ნაკრძალის ხელმძღვანელობაზე, რათა ალექსანდრე ნეველის სახელობითი ეკლესია სქიზმატიკოსებისთვის გადაეცათ.

როგორც მჟკ იტყობინება, უმე-ის ხოტინის მრევლმა განაცხადა მზადყოფნა ბოლომდე დაეცვათ ალექსანდრე ნეველის სახელობითი ტაძარი მეუ-ს ხელყოფისგან.

წაიკითხეთ ასევე