ტრანსგენდერები რომის პაპის დაკრძალვას დაესწრებიან

პაპი ტრანსგენდერ ადამიანებს ხვდება. ფოტო: Periódico Hoy

რომის პაპ ფრანცისკეს გამოსამშვიდობებელ ცერემონიას, რომელიც 2025 წლის 26 აპრილს, სანტა მარია მაჯორეს ბაზილიკაში დაკრძალვამდე გაიმართება, „სოციალურად დაუცველი ჯგუფების“ დაახლოებით 40 ადამიანი დაესწრება: ტრანსგენდერი ადამიანები, მიგრანტები, პატიმრები, წერს Vatican News.

ცერემონიის დროს ტრანსგენდერი ადამიანები თეთრი ვარდებით ხელში ბაზილიკის კიბეებზე დადგებიან.

რომის დამხმარე ეპისკოპოსმა ბენონი ამბარუსმა გადაწყვეტილებას „შემაძრწუნებელი არჩევანი“ უწოდა, რომელიც სიმბოლურად გამოხატავს ფრანცისკეს შეშფოთებას საზოგადოების ყველაზე დაუცველი წევრების მიმართ.

„წმინდა მამა ფრანცისკე შეხვდება დედას, რომელიც ასე ძალიან უყვარდა და მისი საყვარელი შვილები, რომლებიც მის გარშემო იქნებიან ამ უკანასკნელ ნაბიჯზე“, - აღნიშნა ეპისკოპოსმა.

ეპისკოპოს ამბარუსის თქმით, მოწვეული ტრანსგენდერი ადამიანების ჯგუფი დაკავშირებულია კათოლიკე მონაზვნების მცირე თემთან, რომლებიც მათ სულიერ მხარდაჭერას უწევენ.

ადრე მჟკ-მა დაწერა, რომ ზელენსკი და მისი მეუღლე რომის პაპის დაკრძალვას დაესწრებიან.