რუსეთის სარაკეტო დარტყმამ ზაპოროჟიში წმინდა ანდრიას საკათედრო ტაძარი გაანადგურა

წმინდა ანდრიას სახელობის ტაძარი. ფოტო: Запорожская епархия

18 იანვარს ზაპოროჟიეზე რუსული ბალისტიკური რაკეტებით დილის იერიშის დროს უკრაინის მართლმადიდებლური ეკლესიის წმინდა ანდრიას ტაძარი ძლიერ დაზიანდა.

ნამსხვრევებმა დააზიანა ტაძრის სახურავი, გუმბათი, ჭერი, ფანჯრები და საკლასო ოთახები.

ზაპორიჟჟიას ეპარქია მრევლს დახმარებას სთხოვს აფეთქების შედეგებთან გამკლავებაში.

„ვთხოვთ ყველა მათ, ვინც გულგრილი არ არის, გაგვიწიოს დახმარება, თუ ეს შესაძლებელია და ნებისმიერი თანხა გადარიცხოს წმინდა ანდრიას ტაძრის ანგარიშზე!

ვთხოვთ ყველას, ვისაც აქვს ძალა და უნარი, მოვიდეს და დაგვეეხმაროს აფეთქების შედეგების აღმოფხვრაში და წესრიგის აღდგენაში (დასუფთავების იარაღები თან იქონიოს)“, - წერს ეპარქიის პრესსამსახური.

მორწმუნეები ტაძრის ტერიტორიაზე შეიკრიბნენ და ნამსხვრევებისგან ასუფთავებენ ტაძარს. საბედნიეროდ, არავინ დაშავებულა.

„ტაძარში იყო მორიგე, რომელიც იქ 24 საათის განმავლობაში იმყოფება და ერთი ქალი მრევლი, რომელიც ყოველთვის ადრე მოდის. როდესაც მორიგემ მრევლს ტაძრის კარები გაუღო აფეთქებაც სწორედ მაშინ მოხდა. "არავინ დაშავებულა, მადლობა ღმერთს, მაგრამ თქვენ თავად ხედავთ, რა მოჰყვა ამ აფეთქებას", - თქვა თვითმხილველმა დეკანოზმა კონსტანტინე კოსტიუკოვიჩმა.

უკრაინის მართლმადიდებელ ქრისტიანთა კავშირის ცნობით, 2023 წლის 23 ივლისს ღამით, რუსეთის ფედერაციის სარაკეტო თავდასხმის გამო, ოდესაში უმე-ის ფერისცვალების ტაძარი პრაქტიკულად განადგურდა.