უბკე-ს მეთაური ბართლომეს: ვგრძნობ, არა მხოლოდ მართლმადიდებლებთან მოხვედით

სვიატოსლავ შევჩუკი და პატრიარქი ბართლომე. ფოტო: news.ugcc.ua

ვგრძნობთ, რომ არა მხოლოდ მართლმადიდებლებთან მოხვედით, განაცხადა უკრაინის ბერძნულ-კათოლიკური ეკელსიის მეთაურმა სვიატოსლავ შევჩუკმა სრულიად უკრაინის ეკლესიებისა და რელიგიური ორგანიზაციების საბჭოსთან (სედროს) კონსტანტინოპოლის პატრიარქ ბართლომეს შეხვედრაზე, რომელიც შედგა 23 აგვისტოს კიევის მეუ-ს მართლმადიდებლური საღვთისმეტყველო აკადემიაში. ამის შესახებ გვატყობინებს უბკე-ს პრეს-სამსახური.

შეხვედრა, რომელიც შევჩუკმა დაახასიათა, როგორც უნიკალური და ისტორიული, შედგა ფანარიონის მეთაურის ინიციატივით.

სედროს სახელით უბკე-ს მეთაურმა გამოხატა მადლიერება უკრაინის მეგობრისა და „კეთილი მწყემსის“ მიმართ, რომ ის გრძნობს „უკრაინელი ხალხის ყველა ტკივილს“.

„ჩვენი ვიზიტის დროს თქვენ ახსენეთ ჩვენი გმირები, მეომრები, რომლებმაც სიცოცხლე შესწირეს დამოუკიდებელ უკრაინას. თქვენ შეხვდით ყირიმელ თათრებს, დევნილებს ყირიმიდან, რათა გეგრძნოთ მათი ტკივილი. დღეს კი ჩვენ გვაქვს შესაძლებლობა მოგიყვეთ უკრაინაში ფართო რელიგიური ცხოვრების შესახებ და ვგრძნობთ, რომ თქვენ მოხვედით არა მხოლოდ მართლმადიდებლებთან, არაედ ყველა უკრაინელთან, მათი ნაციონალური, ეთნიკური, კონფესიური კუთვნილების მიუხედავად. დღეს მთელი რელიგიური გარემოს სახელით მოგესალმებით კიევში“, - განაცხადა სვიატოსლავ შევჩუკმა.

შეგახსენებთ, რომ უმე-ს ათასობით მორწმუნეს, რომელთაც სურდათ ფანარიონის მეთაურისთვის კითხვების დასმა, მართლმადიდებელი პატრიარქი არ შეხვდა.

წაიკითხეთ ასევე