სერბი იერარქი-უმე-ს მორწმუნეებს:თუ განსაცდელი დგება, ესეიგი უფალი ჩვენთანაა

სერბეთის პატრიარქის ვიკარი (ცენტრში) კიევ-პეჩორის ლავრაში ბრიფინგზე. ფოტო: скриншот YouTube-канала УПЦ

როცა განსაცდელის დგება, ეს ნიშნავს, რომ უფალი ჩვენთანაა. ამის შესახებ განაცხადა სერბეთის მართლმადიდებელი ეკლესიის იერარქმა, სერბეთის პატრიარქის ვიკარიუსმა, რემესიანის ეპისკოპოსმა სტეფანემ (შარიჩი) 2021 წლის 28 ივლისს კიევ-პეჩორის ლავრის მიძინების სახელობის ტაძარში ბრიფინგზე.

სერბეთის ეკლესიის ოფიციალური დელეგაციის წარმომადგენელმა, რომელიც წინა დღით ჩავიდა უკრაინაში წმინდა მთავარ ვლადიმირს ხსენებისა დღისა და კიევის რუსეთის მართლმადიდებლობის 1033 წლისთავთან დაკავშირებულ ზეიმში მონაწილეობის მისაღებად, მადლიერება გამოხატა ამ დიდ დღესასწაულზე დასწრების შესაძლებლობის გამო.

იერარქმა მიმართ უკრაინელ ხალხს, რომელიც, მისი აზრით, სერბ ხალხს ჰგავს და მოუწოდა მათ ტაძარში მოსვლისკენ, „რათა იგრძნონ თავი თავისუფლად, რათა ყველაფერი კარგად და მშვიდობიანად იყოს“, რადგანაც „ადამიანებმა, რომლებიც ტაძარში მოდიან, რომლებიც ღვთისმოშიშნი არიან, იციან, სადაა სიმართლე“.

„ჩვენ მადლიერები ვართ, რომ უფალმა მოგვცა ამ დიდ დღესასწაულზე - წმინდა ვლადიმირის ხსნების დღეს - ყოფნის შესაძლებლობა. ჩვენც გვაქვს მსგავსი დღესასწაული - წმინდა იოანეს ხსენების დღე. სანამ ჩვენთან ასეთი წმინდანები არიან, ჩვენი გზა ნათელი იქნება. და ჩვენ უნდა ვიაროთ ამ გზით, რათა მივიღოთ ყველაფერი, რაც გვსურს, როგორც მართლმადიდებელ ქრისტიანებს. თავისუფალი (ცოდვისგან - რედ.) ცხოვრება, ტაძრის სილამაზე. ჩვენთანა არს ღმერთი! არს და იყოს! პირველ რიგში, როცა განსაცდელი დგება, უფალი ჩვენთანაა, უფალს ვუყვარვართ“, - განაცხადა ეპისკოპოსმა სტეფანემ.

დასასრულს სერბეთის ეკლესიის წინამძღოლმა მისალმება გადასცა სერბეთის პატრიარქ პორფირესგან უნეტარეს მიტროპოლიტ ონუფრის, უმე-ს ყველა მღვდელმთავარსა და მრევლს.

როგორც მჟკ წერდა, 2021 წლის 27 ივლისს უმე-ს წინამძღოლი შეხვდა ადგილობრივი მართლმადიდებელი ეკლესიების დელეგაციებს, რომლებიც კიევის რუსეთის მართლმადიდებლობის 1033 წლისთავისადმი მიძღვნილ ზეიმზე ჩამოვიდნენ.

წაიკითხეთ ასევე