უმე-ს იერარქმა სერხოვში დევნილი თემის ტაძრის საძირკველში ქვა დადო

ჯვრის აღმართვა და უმე-ს ახალი ტაძრის მშენებლობისათვის საძირკველში ქვის ჩადება ვოლინის ეპარქიის სოფელ სერხოვში. ფოტო: страница БФ «Фавор» в Facebook.

ვოლინის ეპარქიის უმე-ს ვიკარმა, კამენ-კაშირსკის ეპისკოპოსი აფანასიმ, 2021 წლის 7 ივლისს ვოლინის ოლქის მანევიცკის რაიონის სოფელ სერხოვში აღმართა ჯვარი და ღვთისმშობლის წმინდა საფარველის  უმე-ს თემისთვის ახალი ტაძრის მშენებლობას ჩაუყარა საძირკველი, რომელმაც ადრე დაკარგა თავისი სავანე მეუ-ს რეიდერობის გამო, იუწყება თავის Facebook გვერდზე საქველმოქმედო ფონდი "ფავორი".

უფლის წმინდა წინამორბედის, წინასწარმეტყველისა და ნათლისმცემელის იოანეს დღესასწაულზე ეპისკოპოსმა აფანასიმ ჩაატარა საღვთო ლიტურგია სოფელ სერხოვში  ტაძრად მოწყობილ სახლში. "მეუფე აფანასი წინამძღვართან და ეპარქიის სამღვდელოებასთან ერთად ყოვლადწმინდა ღვთისმშობლის ხატის "ყოველთა მწუხარეთა სიხარულის"   სახელზე მშენებარე ტაძარს ესტუმრა, სადაც აღასრულა ჯვრის აღმართვა და ახალი ტაძრის მშენებლობის ადგილზე ქვის დადება, რომელსაც თემი აშენებს მეუ-ს მომხრეების მიერ წართმეულის სანაცვლოდ",- იუწყება საქველმოქმედო ფონდი "ფავორი".

შეგახსენებთ, რომ უმე-ს თემი სოფელ სერხოვიდან გახდა ერთ-ერთი საეკლესიო რეიდერობის ობიექტი 2019 წლის დასაწყისში, როდესაც სოფლის ტერიტორიული თემის კრებამ გადაწყვიტა გადაეყვანა ტაძარი მეუ-ში,  ადგილობრივმა ხელისუფლებამ მოგვიანებით დააკანონა "გადასვლები". თითქმის ორი წელი დასჭირდა წინამძღვარ ვასილი პოპოვიჩს და მრევლს, რათა  მიეღწიათ სოფლის საბჭოს გამოეყო მიწის ნაკვეთი და    ყოვლადწმინდა ღვთისმშობლის ხატის "ყოველთა მწუხარეთა სიხარულის" სახელზე ასაშენებელი ტაძრის გასაფორმებელი დოკუმენტის ნებართვა მიეღოთ.

როგორც მჟკ იუწყებოდა, უმე-ს დევნილი თემი სერხოვში ითხოვს დახმარებას ახალი ტაძრის მშენებლობისათვის.

წაიკითხეთ ასევე