უკრაინის ჯანდაცვის სამინისტრომ ბლანკებში შემოიღო „უცნობი სქესი“, - მასმედია

უკრაინის ჯანდაცვის სამინისტრომ ოფიციალურად შემოიღო დამატებითი „უცნობი სქესი“ COVID-19-ზე ლაბორატორიული ტესტირების მიმართვების ბლანკებში. ფოტო: premium.vgc.no

უკრაინის ჯანდაცვის სამინისტრომ ოფიციალურად შემოიღო დამატებითი „უცნობი სქესი“ COVID-19-ზე ლაბორატორიული ტესტირების მიმართვების ბლანკებში. ამის შესახებ განაცხადეს ჯანდაცვის სამინისტროს სამედიცინო უზრუნველყოფის დირექტორატში, იუწყება «Українські новини».

უწყების პასუხში, რომელიც მიიღეს საინფორმაციო სააგენტოს შეკითხვაზე, დაზუსტებულია, რომ ბლანკი დამტკიცებულია ჯანდაცვის სამინისტოს  28.03.2020 №722 ბრძანებით „სამედიცინო დახმარების გაწევის ორგანიზება კორონავირუსით დაავადებულებისთვის (COVID-19)“.

ბლანკის გამოქვეყნებული ნიმუში მოწმობს, რომ უკრაინელებს, რომლებიც ტესტირებას გადიან კორონავირუსზე, თავაზობენ როგორც მამრობითი და მდედრობითი, აგრეთვე უცნობი სქესის მითითებას.

შეგახსენებთ, რომ 2020 წლის 12 სექტემბერს უკრაინამ მიიღო „ბიარიცის პარტნიორობის“ ოფიციალური სტატუსი. ექსპერტები თვლიან, რომ ამ საერთაშორისო პროექტის ინიციატივები, რომლებიც მიმართულია ე.წ. გენდერული თანასწორობის მისაღწევად, ემუქრებიან ტრადიციულ ფასეულობებს. ეკლესიაში, სადაც იზიარებენ უკრაინული საზოგადოების ღელვას გენდერული საკითხის წამოწევასთან დაკავშირებით,  მოუწოდეს „პარტნიორობის“ მუშაობის კონტროლისკენ.

მანამდე უკრაინის განათლების მინისტრმა სერგეი შკარლეტმა განაცხადა, რომ მიმდინარეობს უკრაინელი მოსწავლეების სახელმძღვანელოების გადაკეთება გენდერული თანასწორობის გათვალისწინებით.

წაიკითხეთ ასევე