ტკაჩენკო: ვნახოთ, როგორი სამონასტრო ცხოვრება იქნება ლავრაში

უკრაინის კულტურის მინისტრი ალექსანდრე ტკაჩენკო. ფოტო: pravda.com.ua

უკრაინის კულტურის მინისტრმა ალექსანდრე ტკაჩენკომ განაცხადა, რომ სახელმწიფოსთვის კიევ-პეჩერის ლავრის შენობების გადაცემის შემდეგ მონასტერში სამონასტრო ცხოვრება არ შეწყდება. ამის შესახებ მან ჟურნალისტებთან პრეს-კონფერენციის დროს განაცხადა, იუწყება «Укринформ».

„არასდროს არ ყოფილა ლაპარაკი იმაზე, რომ იქ შეწყდება სამონასტრო ცხოვრება. როგორი იქნება ეს სამონასტრო ცხოვრება, ვნახავთ შემდგომში“, - თქვა მან.

ამავე დროს ტკაჩენკომ განაცხადა, რომ 2023 წლის 30 მარტიდან კიევ-პეჩერის ლავრის ტერიტორიაზე დაიწყებს მუშაობას სახელმწიფოს მიერ მონასტრის შენობების მიღების კომისია.

მისი სიტყვებით, კომისიის  შემადგენლობაში იქნებიან „მიტროპოლიის, კულტურის სამინისტროს და ნაკრძალის წარმომადგენლები“.

„პროცესი წარიმართება თანმიმდევრული და იმედი მაქვს, რომ ყველაფერი ნორმალურად იქნება“, - დაამატა მან.

როგორც მჟკ იუწყებოდა, კიევ-პეჩერის ლავრამ სარჩელი შეიტანა კულტურის სამინისტროს ქმედებებისა და არენდის ხელშეკრულების გაწყვეტის გამო.

წაიკითხეთ ასევე