თბილისის სასულიერო აკადემიაში გალაკტიონ ტაბიძის პოეზიის საღამო გაიმართება

თბილისის სასულიერო აკადემია და სემინარია. ფოტო: ღია წყარო

9 დეკემბერს, სამშაბათს, 13:00 საათზე, თბილისის სასულიერო აკადემიისა და სემინარიის N8 აუდიტორიაში, ქრისტიანული ხელოვნებათმცოდნეობის ფაკულტეტის სტუდენტები გალაკტიონ ტაბიძის პოეზიის საღამოს გამართავენ. ღონისძიება დიდ ქართველ პოეტს და მის მრავალფეროვან შემოქმედებას ეძღვნება.

პოეზიის საღამო ფილოლოგიის დოქტორის, ქალბატონ თამარ ნუცუბიძის ხელმძღვანელობით ხორციელდება და მიზნად ისახავს სტუდენტებისთვის და დამსწრე საზოგადოებისთვის გალაკტიონ ტაბიძის ლექსების ახლებური ინტერპრეტაციებისა და ინტელექტუალური სივრცის შექმნას.

ღონისძიების ორგანიზატორია თბილისის სასულიერო აკადემიისა და სემინარიის საზოგადოებასთან ურთიერთობისა და სტრატეგიული კომუნიკაციების სამსახური.

მართლმადიდებელ ჟურნალისტთა კავშირი წერდა, თბილისის სასულიერო აკადემიის სტუდენტებმა ბეთანიასა და მანგლისში ლექცია-სემინარი გაიარეს.

წაიკითხეთ ასევე