დეკანოზი სპირიდონი: ,,სვეტიცხოველი არის ჩვენი ეროვნული სიმდიდრე''
საქართველოს მართლმადიდებელი ეკლესია დღეს სვეტიცხლობას აღნიშნავს.
სვეტიცხოვლობა (იგივე მცხეთობა ან კვართის დღესასწაული) საქართველოს მართლმადიდებელი ეკლესიის ერთ-ერთი ყველაზე დიდი და მნიშვნელოვანი დღესასწაულია, რომელიც ყოველწლიურად 14 ოქტომბერს აღინიშნება. 1991 წლიდან, ქვეყნის დამოუკიდებლობის აღდგენის შემდეგ, ეს დღე საქართველოში ოფიციალურ სახელმწიფო უქმე დღედაა გამოცხადებული.
საქართველოს პატრიარქმა შიო მესამემ სადრსასწაულო წირვა-ლოცვა ჩაატარა სვეტიცხოვლის საკათედრო ტაძარში. მის უწმინდესობას თანამსახურებენ საქართველოს მართლმადიდებელი ეკლესიის წმინდა სინოდის წევრები და სხვადასხვა ადგილობრივი მართლმადიდებელი ეკლესიის წარმომადგენლები.
დეკანოზმა სპირიდონ ცქიფურიშვილმა მართლმადიდებელ ჟურნალისტთა კავშირთან საუბრისას აღნიშნა დღევანდელი დღის მნიშვნელობა და სრულიად საქართველოს მიულოცა დღევანდელი დღესასწაული.
,,დალოცვილი გამყოფოთ. ეს არა მარტო რელიგიური დღესასწაულია ჩვენთვის, არამედ არის ეროვნული დღესასწაულიც. ისტორიული თვალსაზრისით ეს არის ისტორიული სიმდიდრე. ეს არის ჩვენი ეროვნული სიმდიდრე და ჩვენი ერთიანობის სიმბოლო.
საეკლესიო კანონმდებლობის მიხედვით პატრიარქის კურთხევა სწორედ სვეტიცხოველში ხდება. დღევანდელი დღესასწაული განსაკუთრებულია, რადგან ქართლის გაქრისტიანებიდან 1700 წელი გავიდა. უფალმა ინებოს, რომ ჩვენ არა მხოლოდ შევისწავლოთ კარგად ჩვენი ქვეყნის ისტორია, არამედ ჩვენი ცხოვრების წესი ყოფილიყოს ჩვენ წარსული. აწმყო ყოფილიყოს დამყარებული ჩვენს წარსულზე, ხოლო აწმყოთი შეგვექმნას მომავალი.
თუ ჩვენ ვკარგავთ ჩვენი წარსულის ფესვებს, ჩვენ ავტომატურად ვკარგავთ ჩვენს მომავალს. ჩვენი წარსული, ეს 1700 წლიანი ქრისტიანული ისტორია, არის უდიდესი თვაგანწირვის ისტორია.
საუკუნეების მანძილზე მოვდივართ ასე და ასე უნდა შევხვდეთ ქრისტეს მეორედ მოსვლას.''-აღნიშნა დეკანოზმა.
მართლმადეიდებელ ჟურნალისტთა კავშირი წერდა, „ტვ პირველისა“ და „ფორმულას“ ჟურნალისტები სვეტიცხოვლობის დღესასწაულს ვერ გააშუქებენ.
