ღირებულებითი განათლების კლუბების დაფუძნება სკოლებში გრძელდება
პროექტის ფარგლებში ქვეყნის მასშტაბით 400-ზე მეტი სასულიერო პირი გადამზადდა, ახალგაზრდებთან შეხვედრებს კი საქართველოს საპატრიარქო განათლების სამინისტროსთან თანამშრომლობით ახორციელებს.
საქართველოს საპატრიარქოსა და განათლების სამინისტროს თანამშრომლობით, სკოლებში ღირებულებითი განათლების კლუბების დაფუძნება გრძელდება.
პროექტის ფარგლებში მოსწავლეებთან შეხვედრები და სხვადასხვა თემაზე მსჯელობა მიზნად ახალგაზრდებში ღირებულებების, პასუხისმგებლობის, ურთიერთპატივისცემისა და საზოგადოებრივი ცნობიერების გაძლიერებას ისახავს.
ღირებულებითი განათლების მიმართულებით ქვეყნის მასშტაბით უკვე გადამზადდა 400-ზე მეტი სასულიერო პირი, რომლებიც სკოლებში ახალგაზრდებთან შესაბამისი შინაარსის შეხვედრებსა და საგანმანათლებლო აქტივობებში მონაწილეობენ.
პროექტის ფარგლებში შექმნილი კლუბები მოსწავლეებს შესაძლებლობას აძლევს, მათთვის მნიშვნელოვან საკითხებზე სასულიერო პირებთან და თანატოლებთან ერთად იმსჯელონ, დასვან კითხვები და სხვადასხვა საკითხი ღირებულებითი და ქრისტიანული მსოფლმხედველობის ჭრილში განიხილონ.
ღირებულებითი განათლების პროგრამა საქართველოს საპატრიარქოსა და განათლების სამინისტროს თანამშრომლობის ფარგლებში ეტაპობრივად ფართოვდება და ქვეყნის სხვადასხვა სკოლაში ახალი კლუბების დაფუძნება კვლავ გრძელდება.
მართლმადიდებელ ჟურნალისტთა კავშირი წერდა, ქარელის წმინდა ანთიმოზ ივერიელის სახელობის ტაძარში საკვირაო სკოლა გაიხსნება.
