გამოვიდა გაზეთ „საპატრიარქოს უწყებანის“ 2026 წლის №15 ნომერი
ახალი გამოცემა მოიცავს უწმინდესისა და უნეტარესის შიო III-ის ქადაგებებს, საქართველოს ეკლესიის ცხოვრებაში მიმდინარე მოვლენებს, ისტორიულ მასალებსა და უცხოეთის მართლმადიდებლურ ქრონიკას.
გაზეთ „საპატრიარქოს უწყებანის“ 2026 წლის №15 ნომერი უკვე გამოიცა. ახალი გამოცემა მკითხველს სთავაზობს საქართველოს მართლმადიდებელი ეკლესიის ცხოვრებაში მიმდინარე მნიშვნელოვანი მოვლენების, საეკლესიო ქადაგებების, ისტორიული სტატიებისა და საერთაშორისო მართლმადიდებლური სიახლეების ფართო მიმოხილვას.
ნომერში გამოქვეყნებულია სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის შიო III-ის ქადაგებები სულთმოფენობიდან მერვე კვირისა და ვლაქერნობის დღესასწაულთან დაკავშირებით.
გამოცემაში ასევე წარმოდგენილია საეკლესიო ცხოვრების ამსახველი მასალები, მათ შორის: ვლაქერნობის დღესასწაულზე ზუგდიდის საკათედრო ტაძარში აღვლენილი სადღესასწაულო ღვთისმსახურება, კათოლიკოს-პატრიარქის ვიზიტი სენაკისა და ჩხოროწყუს ეპარქიაში, კულტურის მინისტრთან შეხვედრა, ხელდასხმა, საიუბილეო მილოცვები, ინფორმაცია თაღლითობის შესახებ, ასევე პუბლიკაციები ილიაობისა და ყოვლადწმინდა ღვთისმშობლის მიძინების დღესასწაულებთან დაკავშირებით.
გაზეთში ასახულია საქართველოს საპატრიარქოს საზოგადოებასთან ურთიერთობის სამსახურის საქმიანობაც, მათ შორის ვანისა და ბაღდათის ეპარქიის სასულიერო პირებისთვის გამართული გადამზადების კურსი და მორიგი საქველმოქმედო-საგანმანათლებლო ღონისძიება.
უცხოეთის ქრონიკის განყოფილებაში მკითხველი გაეცნობა მსოფლიო მართლმადიდებლურ სივრცეში განვითარებულ მოვლენებს, მათ შორის იერუსალიმის პატრიარქის ვიზიტს მსოფლიო საპატრიარქოში, იერუსალიმში აღმოჩენილ ისტორიულ არქეოლოგიურ მიგნებებსა და ისრაელის მზადებას ქრისტეს ნათლობის 2000 წლის იუბილეს აღსანიშნავად.
გამოცემაში ასევე წარმოდგენილია სერგი გორგაძის ისტორიული ნაშრომი „საქართველოს ეკლესია და მისი დამოუკიდებლობა (წარსული, აწმყო და მომავალი)“, ასევე სხვა მნიშვნელოვანი პუბლიკაციები.
გაზეთ „საპატრიარქოს უწყებანის“ 2026 წლის №15 ნომრის შეძენა შესაძლებელია ტაძრებში, ჟურნალ-გაზეთების ჯიხურებსა და სპეციალურ სტენდებთან.
მართლმადიდებელ ჟურნალისტთა კავშირი წერდა, შიო III-მ ერკეთის დედათა მონასტრის წინამძღვარი და მონასტრის წევრები მიიღო.
