მიტროპოლიტმა სტეფანემ კვათანის წმინდა მთავარანგელოზთა ტაძარში საღმრთო ლიტურგია აღავლინა
მეუფემ 104 წლის დავით კაჭარავა დალოცა და ღვთისმსახურების შემდეგ სოფლის მოსახლეობას შეხვდა.
23 ივლისს ჭყონდიდელმა მიტროპოლიტმა სტეფანემ (კალიჯაშვილმა) აბაშის მუნიციპალიტეტის სოფელ კვათანში, წმინდა მთავარანგელოზთა სახელობის ტაძარში, საღმრთო ლიტურგია აღავლინა.
ღვთისმსახურების დასრულების შემდეგ მიტროპოლიტმა მრევლს ქადაგებით მიმართა და მათ უფლის მადლი, მშვიდობა და სულიერი სიმტკიცე უსურვა.
ამავე დღეს მეუფე სტეფანემ დალოცა აბაშის მუნიციპალიტეტის უხუცესი მცხოვრები, 104 წლის დავით კაჭარავა. მღვდელმთავარმა მას მხნეობა, ჯანმრთელობა, დღეგრძელობა და ღვთის შეწევნა უსურვა.
ლიტურგიის დასრულების შემდეგ ჭყონდიდელი მიტროპოლიტი კვათანის მოსახლეობას შეხვდა, გაესაუბრა მათ სოფლისა და ეკლესიის ცხოვრების მნიშვნელოვან საკითხებზე.
მართლმადიდებელ ჟურნალისტთა კავშირი ადრე წერდა,რომ ქალაქ კემპერის წმინდა გიორგის სახელობის ქართულ სამრევლოში წმინდა გიორგის ხატი აკურთხეს.
