ვლაქერნობის დღესასწაულზე საქართველოს პატრიარქმა სასულიერო პირები დააჯილდოვა
დღესასწაული ზუგდიდში გამორჩეულად აღინიშნა, ვინაიდან სადღესასწაულო წირვა უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III-მ აღავლინა.
ვლაქერნობის დღესასწაულთან დაკავშირებით, სრულიად საქართველოს კათოლიკოს-პატრიარქმა საქართველოს მართლმადიდებელი ეკლესიის რამდენიმე სასულიერო პირი საეკლესიო ჯილდოებით დააჯილდოვა.
დაჯილდოვდნენ სენაკისა და ჩხოროწყუს, ასევე ზუგდიდისა და ცაიშის ეპარქიების სასულიერო პირები, ხოლო მღვდელი დავით ქირია დეკანოზის ხარისხში აღყვანილ იქნა.
სენაკისა და ჩხოროწყუს ეპარქიიდან დეკანოზი იოანე კუპრეიშვილი დაჯილდოვდა მიტრის ტარების უფლებით.
ზუგდიდისა და ცაიშის ეპარქიიდან დეკანოზი გალაქტიონ ფიფია და დეკანოზი ილია ლუკავა გამშვენებული ჯვრის ტარების უფლებით დაჯილდოვდნენ.
ამასთან, მღვდელი დავით ქირია დეკანოზის ხარისხში აღყვანილ იქნა და ოქროს ჯვრის ტარების უფლება მიენიჭა.
საეკლესიო ჯილდოები სასულიერო პირებს ეკლესიისა და მრევლის წინაშე გაწეული ერთგული მსახურებისა და ღვაწლის დაფასების ნიშნად გადაეცათ.
მართლმადიდებელ ჟურნალისტთა კავშირი წერდა, ზუგდიდისა და ცაიშის ეპარქიაში ვლაქერნობის მოსამზადებელი სამუშაოები დაიწყო.
