საფუძველი ჩაეყარა საქველმოქმედო და საგანმანათლებლო ცენტრ „ბეთლემის“ მშენებლობას
ახალი შენობის საძირკველი ბათუმისა და ლაზეთის მიტროპოლიტმა, მეუფე დიმიტრიმ აკურთხა; ღონისძიებას საქართველოს პრემიერ-მინისტრი და ხელისუფლების წარმომადგენლები დაესწრნენ.
ბათუმში საქველმოქმედო და საგანმანათლებლო ცენტრ „ბეთლემის“ მშენებლობას ოფიციალურად ჩაეყარა საფუძველი.
ახალი შენობის საძირკვლის კურთხევის წესი ბათუმისა და ლაზეთის მიტროპოლიტმა, მეუფე დიმიტრიმ აღასრულა.
საფუძვლის ჩაყრის ცერემონიას საქართველოს პრემიერ-მინისტრი, აჭარის ავტონომიური რესპუბლიკის მთავრობის თავმჯდომარე, ასევე აღმასრულებელი და საკანონმდებლო ხელისუფლების წარმომადგენლები ესწრებოდნენ.
ცენტრი „ბეთლემი“ საქველმოქმედო და საგანმანათლებლო მიმართულებით იმუშავებს და სხვადასხვა სოციალური და საგანმანათლებლო პროექტის განხორციელებას შეუწყობს ხელს. პროექტის მიზანია საზოგადოების მხარდაჭერა, განათლების ხელშეწყობა და იმ სივრცის შექმნა, სადაც სხვადასხვა ასაკის ბენეფიციარები შეძლებენ საჭირო სერვისებითა და პროგრამებით სარგებლობას.
ღონისძიება საზეიმო ვითარებაში გაიმართა და ახალი ცენტრის მშენებლობის დაწყება ბათუმისა და რეგიონისთვის მნიშვნელოვან მოვლენად შეფასდა.
მართლმადიდებელ ჟურნალისტთა კავშირი წერდა, შიო III-მ აჭარის ხელისუფლების წარმომადგენლები მიიღო.
