ძაძვის წმინდა იოანე ნათლისმცემლის შობის მონასტერში სადღესასწაულო ლიტურგია აღევლინა
საღმრთო მსახურება მროველ-ურბნელმა მიტროპოლიტმა იობმა და ბოლნელმა მთავარეპისკოპოსმა ეფრემმა წმინდა იოანე ნათლისმცემლის შობის დღესასწაულთან დაკავშირებით აღასრულეს.
7 ივლისს, წმინდა იოანე ნათლისმცემლის შობის დღესასწაულზე, ძაძვის წმინდა იოანე ნათლისმცემლის შობის მამათა მონასტერში საზეიმო საღმრთო ლიტურგია აღევლინა.
სადღესასწაულო ღვთისმსახურება ყოვლადუსამღვდელოესმა მროველ-ურბნელმა მიტროპოლიტმა იობმა ბოლნელ მთავარეპისკოპოს ეფრემთან ერთად აღასრულა. ლიტურგიას სასულიერო პირები, მონასტრის საძმო და მრავალი მორწმუნე ესწრებოდა, რომლებმაც ერთობლივი ლოცვით წმინდა იოანე ნათლისმცემლის შობა იზეიმეს.
წმინდა იოანე ნათლისმცემელი ქრისტიანულ ეკლესიაში სინანულის, სიმდაბლისა და უფლის გზის მომზადების უდიდეს მაგალითად მიიჩნევა. მისი შობის დღესასწაული მორწმუნეებს მოუწოდებს სულიერი განახლებისა და ღვთისადმი ერთგულებისკენ.
მორწმუნეებმა წმინდა იოანე ნათლისმცემლის მეოხებით უფალს საქართველოსა და მთელი მსოფლიოსთვის მშვიდობა, ერთობა და კეთილდღეობა შესთხოვეს.
მართლმადიდებელ ჟურნალისტთა კავშირი წერდა, გორისა და ატენის მიტროპოლიტი ანდრია გვაზავა - ბედნიერია სენაკის მრევლი.
