ზუგდიდის ივერიის ღვთისმშობლის საკათედრო ტაძარში მიტროპოლიტმა გერასიმემ საკვირაო წირვა აღავლინა
წირვის დასრულების შემდეგ მეუფემ მრევლს ქადაგებით მიმართა, დალოცა და დღევანდელი საეკლესიო დღესასწაული მიულოცა.
ზუგდიდისა და ცაიშის მიტროპოლიტმა გერასიმემ საკვირაო საღმრთო ჟამისწირვა ზუგდიდის ივერიის ყოვლადწმინდა ღვთისმშობლის სახელობის საკათედრო ტაძარში აღავლინა.
საზეიმო ღვთისმსახურების დასრულების შემდეგ ეპარქიის მმართველმა მღვდელმთავარმა მრევლს ქადაგებით მიმართა. მეუფე გერასიმემ მორწმუნეები დალოცა და მათ დღევანდელი საეკლესიო დღესასწაული მიულოცა.
მართლმადიდებელი ეკლესია ამ დღეს ყველა წმინდანს იხსენიებს. ღვთისმსახურებისას აღევლინა ლოცვა: „ყოველნო წმიდანნო, ღვაწლით გაბრწყინვებულნო, ევედრეთ ღმერთსა ჩვენთვის!“
მართლმადიდებელ ჟურნალისტთა კავშირი წერდა, პატრიარქმა მორწმუნეებს ღვთის სასუფევლის ძიებისა და შვილების ქრისტიანულ ღირებულებებზე აღზრდისკენ მოუწოდა.
