იღუმენი იაკობი (სირდაძე) გამშვენებული ჯვრის ტარების უფლებით დაჯილდოვდა
ჯილდო ზესტაფონის მუნიციპალიტეტის სოფელ განთიადის სულთმოფენობის სახელობის მამათა მონასტრის წინამძღვარს გადაეცა.
1 ივნისს, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტ შიო III-ის ლოცვა-კურთხევით, მარგვეთისა და უბისის ეპისკოპოს მელქისედეკის (ხაჩიძე) წარდგენით, ზესტაფონის მუნიციპალიტეტის სოფელ განთიადის სულთმოფენობის სახელობის მამათა მონასტრის წინამძღვარი, იღუმენი იაკობი (სირდაძე), გამშვენებული ჯვრის ტარების უფლებით დაჯილდოვდა.
საეკლესიო ჯილდო სასულიერო პირს ეკლესიისა და მრევლის წინაშე გაწეული მსახურებისა და ღვაწლის აღიარების ნიშნად მიენიჭა.
მარგვეთისა და უბისის ეპარქიაში აღნიშნავენ, რომ იღუმენი იაკობი წლების განმავლობაში ერთგულად ემსახურება ეკლესიას და აქტიურად მონაწილეობს სულიერ-საგანმანათლებლო საქმიანობაში.
მართლმადიდებელ ჟურნალისტთა კავშირი წერდა, ალავერდელმა მიტროპოლიტმა დავითმა ფორტ ვორტის ეპისკოპოს გერასიმესთან ერთად საღვთო ლიტურგია აღავლინა.
