გორში წმინდა გიორგობის დღესასწაული საზეიმო ლიტურგიით აღინიშნა
მიტროპოლიტმა ანდრიამ გორის საკათედრო ტაძარში მსახურება აღავლინა და დეკანოზი გიორგი კოკოშვილი გამშვენებული ჯვრით დააჯილდოვა.
6 მაისს, წმინდა დიდმოწამე გიორგის ხსენების დღეს, გორისა და ატენის მიტროპოლიტმა ანდრიამ საზეიმო მსახურება აღავლინა გორში, ყოვლადწმინდა ღვთისმშობლის შობის საკათედრო ტაძარში.
სადღესასწაულო ლიტურგიას მრევლი დაესწრო, რომლებმაც ერთობლივად ილოცეს საქართველოს მფარველად მიჩნეული წმინდა გიორგის მიმართ.
ღვთისმსახურების დასასრულს მიტროპოლიტმა ანდრიამ დალოცა ტაძარში შეკრებილი მრევლი. მისივე თქმით, მნიშვნელოვანია ეკლესიის ერთგული მსახურება და სულიერი ერთობა.
სრულიად საქართველოს კათოლიკოს-პატრიარქის, ნეტარხსენებული ილია II-ის ლოცვა-კურთხევით, ეკლესიისადმი ერთგული მსახურებისთვის დეკანოზი გიორგი კოკოშვილი დაჯილდოვდა გამშვენებული ჯვრით.
მართლმადიდებელ ჟურნალისტთა კავშირი წერდა, საპატრიარქო ტახტის მოსაყდრე, მიტროპოლიტი შიო ქაშუეთის წმინდა გიორგის სახელობის ტაძარში აღავლენს წირვას.
