დასავლეთ ევროპის მიტროპოლიტ აბრაამის კურთხევით შაბათ-კვირას სპეციალური მსახურებები გაიმართება

დასავლეთ ევროპის მიტროპოლიტ აბრაამის კურთხევით, შაბათ-კვირას, 21-22 მარტს, დეკანოზი სპირიდონ გრიგოლაშვილი სხვადასხვა საეკლესიო მსახურებას აღავლენს.

21 მარტს, შაბათს, რომელიც მიცვალებულთა მოსახსენიებელ დღედ არის განსაზღვრული, 15:00 საათზე გაიმართება პარაკლისი და საკურთხის კურთხევა, ხოლო 19:00 საათზე ჩატარდება პანაშვიდი პატრიარქის სულის საოხად.

22 მარტს, კვირას, 10:00 საათზე შესრულდება წირვა, ხოლო 14:00 საათზე გაიმართება პანაშვიდი და პატრიარქთან გამომშვიდობების ცერემონია.

მსახურებები მიეძღვნება სრულიად საქართველოს კათოლიკოს-პატრიარქის ხსოვნას და მასში მონაწილეობის მიღება ყველა მსურველს შეეძლება.

მართლმადიდებელ ჟურნალისტთა კავშირი წერდა, სამების საკათედრო ტაძარში ილია II-ის სულის მოსახსენიებელი პანაშვიდი ეპისკოპოსებმა შეასრულეს.