თბილისის სასულიერო აკადემიასა და სემინარიაში „სახარების ეგზეგეტიკის“ თემაზე სამუშაო სემინარი გაიმართა
მოხსენებებით ქრისტიანული ხელოვნებათმცოდნეობისა და სემინარიის სტუდენტები წარსდგნენ.
თბილისის სასულიერო აკადემიასა და სემინარიაში 2026 წლის 11 მარტს გაიმართა სამუშაო სემინარი თემაზე – „სახარების ეგზეგეტიკა“. სემინარი ბიბლეისტიკის კათედრის ხელმძღვანელის, დეკანოზ გიორგი გუგუშვილის ორგანიზებით ჩატარდა.
ღონისძიებაზე მოხსენებებით წარსდგნენ სტუდენტები. ქრისტიანული ხელოვნებათმცოდნეობის II კურსის სტუდენტმა ფოტინე გუნიამ ისაუბრა თემაზე – „მაცხოვრის საუბარი სამარიელ დედაკაცთან“, ხოლო სემინარიის I კურსის სტუდენტმა ნიკა ჭუმბურიძემ წარადგინა მოხსენება თემაზე – „ყოვლადწმინდა ღვთისმშობლის ხარება“.
სტუდენტთა სამეცნიერო ხელმძღვანელი გახლდათ დეკანოზი, თეოლოგიისა და ისტორიის დოქტორი, პროფესორი გიორგი გუგუშვილი.
სემინარი მიზნად ისახავდა სტუდენტთა კვლევითი და ანალიტიკური უნარების განვითარებას, ასევე წმინდა წერილის ტექსტების თეოლოგიური გააზრების გაღრმავებას.
მართლმადიდებელ ჟურნალისტთა კავშირი წერდა, დავითიანნში 12 მარტს დეკანოზ შალვა ჯაჯანიძესთან გაიმართება დიალოგი.
