ხაშურის საკათედრო ტაძარში 25 და 26 თებერვალს საღამოს მსახურება 16:00 საათზე დაიწყება
მორწმუნეები დაესწრებიან დიდმარხვის საღვთისმსახურებას და ანდრია კრეტელის დიდი კანონის კითხვას.
ხაშურის წმინდა იოანე ნათლისმცემლის სახელობის საკათედრო ტაძარში 25 და 26 თებერვალს საღამოს მსახურება 16:00 საათზე დაიწყება.
აღნიშნულ დღეებში ტაძარში შესრულდება დიდმარხვისთვის საღვთომსახურება, ამ დღეებში იკითხება წმინდა ანდრია კრეტელის დიდი სინანულის კანონი — ეკლესიის ერთ-ერთი უმნიშვნელოვანესი და სულიერად გამორჩეული საგალობელი.
დიდი კანონი მორწმუნეებს სინანულის, საკუთარი ცხოვრების გააზრებისა და სულიერი განახლებისკენ მოუწოდებს. იგი ტრადიციულად დიდმარხვის პირველ შვიდეულში იკითხება და განსაკუთრებული მნიშვნელობა ენიჭება მართლმადიდებელი ეკლესიის ლიტურგიკულ ცხოვრებაში.
საკათედრო ტაძარი ყველა მსურველს იწვევს აღნიშნულ ღვთისმსახურებაზე დასასწრებად და ერთობლივი ლოცვით დიდმარხვის სულიერი გზის დასაწყებად.
მართლმადიდებელ ჟურნალისტთა კავშირი წერდა, მართლმადიდებელი ეკლესია 25 თებერვალს ივერიის ყოვლადწმინდა ღვთისმშობლის ხატის დღეს აღნიშნავს.
