სენ-ბრიეში მართლმადიდებელ ემიგრანტებთან შეხვედრა იგეგმება
დასავლეთ ევროპის მიტროპოლიტ აბრაამის კურთხევით, შეხვედრას დეკანოზი სპირიდონ გრიგოლაშვილი გამართავს.
დასავლეთ ევროპის მიტროპოლიტ აბრაამის კურთხევით, კვირას ქალაქ სენ-ბრიეში დაგეგმილია შეხვედრა მართლმადიდებელ ემიგრანტებთან. შეხვედრას წარმართავს მთავარანგელოზ გაბრიელის სახელობის სამრევლოს მოძღვარი, დეკანოზი სპირიდონ გრიგოლაშვილი.
შეხვედრის მთავარი მიზანი ემიგრაციაში მცხოვრები ქართველების სულიერი გამხნევება და ეკლესიური ცხოვრების გარშემო მათი გაერთიანებაა. უცხო მიწაზე მცხოვრები მრევლისთვის მსგავსი შეხვედრები განსაკუთრებულ მნიშვნელობას ატარებს — ისინი ლოცვის, ურთიერთგაზიარებისა და სულიერი თანადგომის სივრცედ იქცევა.
საეკლესიო ცხოვრებაში სამრევლო განიხილება, როგორც სულიერი სახლი ემიგრაციაში, ადგილი, სადაც ადამიანი ღმერთთან და ერთმანეთთან შეხვედრას პოულობს, სადაც ტკივილი სიტყვად გარდაიქმნება, ხოლო მარტოობა — თანაზიარებად.
მოახლოებული შეხვედრაც სწორედ ამ გზის დასაწყისად არის მიჩნეული — გზისა, რომელიც რწმენაში აერთიანებს, სიყვარულში აძლიერებს და ახსენებს, რომ სადაც არ უნდა იმყოფებოდეს ადამიანი, უფალი ყოველთვის მასთანაა.
მართლმადიდებელ ჟურნალისტთა კავშირი წერდა, გორში ნათლისღების დღესასწაული საზეიმო ლიტურგიითა და დიდი აიაზმის კურთხევით აღინიშნა.
