გორის საკათედრო ტაძარში სადღესასწაულო ლიტურგია და საახალწლო პარაკლისი აღესრულა
მიტროპოლიტმა ანდრიამ მაცხოვრის წინადაცვეთისა და წმინდა ბასილი დიდის ხსენების დღეს საღმრთო მსახურება სამ ეპარქიის სამღვდელოებასთან ერთად აღასრულა.
2026 წლის 14 იანვარს, მაცხოვრის წინადაცვეთისა და წმინდა მღვდელმთავრის – ბასილი დიდის ხსენების დღეს, მისმა მაღალყოვლადუსამღვდელოესობამ მიტროპოლიტმა ანდრიამ სადღესასწაულო საღმრთო ლიტურგია აღასრულა გორისა და ატენის, ასევე სამთავისისა და კასპის ეპარქიების სამღვდელოებასთან ერთად.
საღმრთო მსახურება გაიმართა გორის ყოვლადწმინდა ღვთისმშობლის შობის საკათედრო ტაძარში. საზეიმო ლიტურგიას დაესწრო ტაძრის მრევლი.
ლიტურგიის დასასრულს აღესრულა საახალწლო პარაკლისი, რომლის დროსაც აღვლინდა ლოცვები ახალი წლისთვის, ქვეყნისა და ერის კეთილდღეობისა და მშვიდობისათვის.
მართლმადიდებელ ჟურნალისტთა კავშირი წერდა, ქუთაისში ტრადიციული გალობის საღამო „ქრისტე იშვა... მადლი მახარებელსაო...“ გაიმართა.
