წალენჯიხაში საშობაო ალილოს ტრადიციული მსვლელობა გაიმართა

ალილოს მსვლელობა ზუგდიდისა და ცაიშის ეპარქიის მმართველი მიტროპოლიტის გერასიმეს ლოცვა-კურთხევით ჩატარდა.

ზუგდიდისა და ცაიშის ეპარქიის მმართველი მიტროპოლიტი გერასიმეს ლოცვა-კურთხევით, წალენჯიხაში საშობაო ალილოს ტრადიციული მსვლელობა გაიმართა. ღონისძიებაში სასულიერო პირებთან ერთად მონაწილეობა მიიღეს მუნიციპალიტეტის მერიისა და საკრებულოს ხელმძღვანელმა პირებმა.

შობის მახარობლები ქალაქის ქუჩებში მსვლელობისას მოსახლეობას ქრისტეს შობის ბრწყინვალე დღესასწაულს გალობით ულოცავდნენ და სიხარულისა და ერთობის განცდას უზიარებდნენ.

ალილოს მსვლელობისას შეგროვებული ნობათი, ტრადიციისამებრ, სოციალურად დაუცველ ოჯახებს გადაეცემა.

მართლმადიდებელ ჟურნალისტთა კავშირი წერდა, ალილოს სადღესასწაულო მსვლელობა თბილისში გაიმართა — მონაწილეებს საშობაო ნობათები გადაეცათ.