კაზრეთის სკოლებში „ღირებულებითი განათლების“ ფარგლებში შეხვედრა გაიმართა
დეკანოზი ლაზარე რეხვიაშვილი და მღვდელი გიორგი ჟულაკაშვილი მოსწავლეებს შეხვდნენ.
18 დეკემბერს, „ღირებულებითი განათლების“ პროექტის ფარგლებში, დეკანოზი ლაზარე რეხვიაშვილი და მღვდელი გიორგი ჟულაკაშვილი კაზრეთის პირველი და მეორე საჯარო სკოლის მოსწავლეებს შეხვდნენ. ინფორმაციას ბოლნისის ეპარქიის ფეისბუქ გვერდი ავრცელებს.
შეხვედრის განმავლობაში სასულიერო პირებმა მოსწავლეებთან ისაუბრეს სულიერ და ზნეობრივ ღირებულებებზე, ქრისტიანულ სიყვარულზე, ურთიერთპატივისცემასა და პასუხისმგებლობაზე. განსაკუთრებული ყურადღება დაეთმო ახალგაზრდებში სწორი ღირებულებითი ორიენტირების ჩამოყალიბებასა და საზოგადოებაში მათი როლის გააზრებას.
ღონისძიება კითხვა-პასუხის რეჟიმშიც წარიმართა, რის ფარგლებშიც მოსწავლეებს შესაძლებლობა ჰქონდათ, მათთვის საინტერესო საკითხებზე მიეღოთ პასუხები. შეხვედრა თბილ და გულწრფელ გარემოში გაიმართა.
მართლმადიდებელ ჟურნალისტთა კავშირი წერდა, ბავშვთა ქორეოგრაფიული ანსამბლი „საჯეირნო“ სამების საკათედრო ტაძარში კვირის წირვას დაესწრო.
