საპატრიარქოს საზოგადოებასთან ურთიერთობის სამსახურს უმცროს ოფიცერთა სკოლის მსმენელები ესტუმრნენ
გაცნობითი ვიზიტის ფარგლებში სტუდენტები გაეცნენ საპატრიარქოს სტრუქტურასა და საზოგადოებასთან ურთიერთობის სამსახურის საქმიანობას.
ამა წლის 18 დეკემბერს საქართველოს საპატრიარქოს საზოგადოებასთან ურთიერთობის სამსახურს თავდაცვის სამინისტროს დავით აღმაშენებლის სახელობის ეროვნული თავდაცვის აკადემიის უმცროს ოფიცერთა სკოლის საკანდიდატო კურსის მსმენელები ესტუმრნენ.
გაცნობითი ხასიათის ვიზიტის მიზანი ახალგაზრდების ზოგადი ცოდნის გაღრმავება და ცნობიერების ამაღლება იყო. შეხვედრის ფარგლებში მსმენელები შეხვდნენ საპატრიარქოს საზოგადოებასთან ურთიერთობის სამსახურის წარმომადგენლებს, რომლებმაც მათ გააცნეს სამსახურის საქმიანობა და საპატრიარქოს სხვადასხვა განყოფილების ფუნქციონირება.
შეხვედრა გულთბილ და მეგობრულ გარემოში წარიმართა. საუბარი შეეხო საქართველოს ეკლესიის სტრუქტურას, საპატრიარქოს საზოგადოებასთან ურთიერთობის სამსახურის მუშაობის პრინციპებს, ასევე უმცროს ოფიცერთა სკოლის დანიშნულებასა და მიზნებს.
მართლმადიდებელ ჟურნალისტთა კავშირი წერდა, ბავშვთა ქორეოგრაფიული ანსამბლი „საჯეირნო“ სამების საკათედრო ტაძარში კვირის წირვას დაესწრო.
