იგეგმება მეტეხის ღვთისმშობლის ტაძრის სრული რეაბილიტაცია
კასპის მუნიციპალიტეტის სოფელ მეტეხში მდებარე ღვთისმშობლის ეკლესია. ფოტო: შიდა ქართლის მხარე
საქართველოს კულტურის სამინისტროს მხარდაჭერით, კულტურული მემკვიდრეობის დაცვის ეროვნული სააგენტო კასპის მუნიციპალიტეტის სოფელ მეტეხში მდებარე ღვთისმშობლის ეკლესიის სრულ რეაბილიტაციას გეგმავს. ტაძარს ეროვნული მნიშვნელობის კატეგორიის კულტურული მემკვიდრეობის უძრავი ძეგლის სტატუსი აქვს.
ტაძრის არსებული მდგომარეობის შეფასებისა და საპროექტო-სახარჯთაღრიცხვო დოკუმენტაციის მომზადების პროცესის გაცნობის მიზნით, ადგილზე იმყოფებოდნენ სააგენტოს გენერალური დირექტორის პირველი მოადგილე თეა ონიანი, შიდა ქართლის სახელმწიფო რწმუნებული სიმონ გულედანი, კასპის მუნიციპალიტეტის მერი ვახტანგ მაისურაძე და ტაძრის მოძღვარი, დეკანოზი იაკობი (გეჯაძე). ვიზიტში მონაწილეობდნენ ადგილობრივი თვითმმართველობისა და საპროექტო დოკუმენტაციაზე მომუშავე კომპანიის წარმომადგენლებიც.
დაგეგმილი სამუშაოები ტაძრის ტექნიკური მდგომარეობის გაუმჯობესებას, დაზიანებული კონსტრუქციული ელემენტების აღდგენა-გამაგრებასა და ნესტით გამოწვეული დაზიანებების აღმოფხვრას ითვალისწინებს. სარეაბილიტაციო-საკონსერვაციო ღონისძიებების ფარგლებში დადგინდება კედლების დანესტიანების მიზეზები და წყლის ინფილტრაციის წყარო.
პროექტით გათვალისწინებულია სარინელის მოწყობა, ინტერიერში ნესტით დაზიანებული აფრების, გუმბათის ყელისა და საყრდენი თაღების გამოშრობა. ასევე დაგეგმილია კამარებსა და საბჯენ თაღებში წარმოქმნილი ბზარების ინექტირება-ამოვსება და არასტაბილური საყრდენი ბურჯების კონსტრუქციული გამაგრება.
სამუშაოების ფარგლებში დამუშავდება ინტერიერში არსებული მიკრო- და მაკრობზარები, რესტავრაცია ჩაუტარდება განცალკევებულ და განშრევებულ ქვებს, აღდგება გუმბათის საყრდენი ბურჯები და დაზიანებული ალათები. ტაძარი გაიწმინდება მცენარეული საფარისგან. რეაბილიტაცია კომპლექსის სამრეკლოსა და გალავანსაც მოიცავს.
მეტეხის ღვთისმშობლის ტაძრის კომპლექსი ისტორიულ შიდა ქართლში, სოფელ მეტეხის ცენტრში მდებარეობს და სხვადასხვა პერიოდის რამდენიმე ნაგებობას აერთიანებს. გადმოცემით, ამ ადგილას ტაძრის აგება ვახტანგ გორგასლის სახელს უკავშირდება, ხოლო კომპლექსის მთავარ არქიტექტურულ ნაგებობას XIII საუკუნეში აგებული ღვთისმშობლის ტაძარი წარმოადგენს.
საუკუნეების განმავლობაში განხორციელებული არაერთი ჩარევის შედეგად, ძეგლმა დღემდე მნიშვნელოვნად შეცვლილი სახით მოაღწია.
მართლმადეიდებელ ჟურნალისტთა კავშირი წერდა, თბილისში წმინდა ნინოს ეკლესიის რეაბილიტაცია იგეგმება.
წაიკითხეთ ასევე
უწმინდესისა და უნეტარესის შიო III-ის ქადაგება სულთმოფენობიდან ოცდამეერთე კვირას
,,ყოველი ჩვენგანი ცხოვრებაში – სამსახურში, ოჯახში თუ ცხოვრებისეულ გარემოებებში – ვხვდებით სირთულეებს, მწუხარებას და ძალიან განვიცდით ამის გამო, მაგრამ უფალი გვასწავლის, რომ ნუ სტირი და ნუ მწუხარებ.''- შიო III
თბილისის სასულიერო აკადემიასა და სემინარიას მოსწავლეები ეწვივნენ
სტუმრები ქრისტიანული ხელოვნებათმცოდნეობის ფაკულტეტის საქმიანობას გაეცნენ და ხატწერისა და ნაქარგობის სახელოსნოები დაათვალიერეს.
საპატრიარქომ მიტროპოლიტ თეოდორეს მღვდელმთავრობის 30 წლისთავი მიულოცა
საიუბილეო მილოცვაში მღვდელმთავარს ღვთის შემწეობა, ჯანმრთელობა და ეკლესიისა და ერის საკეთილდღეოდ მრავალჟამიერი სიცოცხლე უსურვეს.
გურჯაანისა და ველისციხის ეპარქიაში სასკოლო შეხვედრები გაგრძელდა
„ღირებულებითი განათლების“ კლუბების ფარგლებში ბაკურციხისა და ვეჯინის საჯარო სკოლებში სასულიერო პირებმა მოსწავლეებთან თემატური შეხვედრები გამართეს.
აფხაზეთის №1 საჯარო სკოლაში საგანმანათლებლო-კულტურული ღონისძიება გაიმართა
ზუგდიდში გამართულ შეხვედრაზე საქართველოს ეკლესიის ავტოკეფალიას, ქრისტიანობის სახელმწიფო რელიგიად გამოცხადების 1700 წლისთავსა და ქართული კულტურის მრავალფეროვნებას დაეთმო ყურადღება.
27 ოქტომბერს ეკლესია წმინდა მოწამეთა ხსენებას აღასრულებს
ნაზარის, გერვასის, პროტასისა და კელსის ცხოვრება ქრისტესადმი ერთგულების, მოყვასის მსახურებისა და მოწამებრივი თავდადების მაგალითია.