ფილადელფიაში სვეტიცხოვლობა საზეიმო ღვთისმსახურებით აღინიშნა
სვეტიცხოვლობა ფილადელფიის წმინდა გიორგის სახელობის ქართულ სამრევლოში
14 ოქტომბერს, სვეტიცხოვლობის დღესასწაულზე, ჩრდილოეთ ამერიკის ქართული ეპარქიის ფილადელფიის წმინდა გიორგის სახელობის ქართულ სამრევლოში საზეიმო სამღვდელმთავრო საღმრთო ლიტურგია აღევლინა.
ღვთისმსახურებას ჩრდილოეთ ამერიკის ეპისკოპოსი საბა უძღვებოდა. მღვდელმთავარს თანამსახურებდნენ ეპარქიისა და საქართველოს საპატრიარქოს მიერ წარმოგზავნილი დელეგაციის სასულიერო პირები.
დღესასწაულს განსაკუთრებული სულიერი სიხარული შესძინა ტაძარში მობრძანებულმა ღვთისმშობლის წილხვდომილობის ხატმა და წმინდა გაბრიელ აღმსარებლისა და სალოსის წმინდა ნაწილებმა. მორწმუნეებს სიწმინდეების მოლოცვისა და მათ წინაშე ლოცვის შესაძლებლობა ჰქონდათ.
სამრევლოს ცნობით, სიწმინდეების მობრძანება მრევლისთვის განსაკუთრებული კურთხევა იყო. სვეტიცხოვლობის საზეიმო ღვთისმსახურებამ ფილადელფიის ქართული სამრევლოს წევრები ერთობლივი ლოცვისა და საქართველოს ეკლესიის ერთ-ერთი გამორჩეული დღესასწაულის აღნიშვნისთვის შეკრიბა.
მართლმადეიდებელ ჟურნალისტთა კავშირი წერდა, ჩრდილოეთ ამერიკის ეპარქიაში წმინდა გაბრიელის წმინდა ნაწილები დააბრძანეს.
წაიკითხეთ ასევე
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.
გამოიცა წმინდა მაქსიმე აღმსარებლის შრომათა მეორე ტომი
გამოცემაში ეპისტოლეთა სრული კორპუსი და „ამბიგვები თომასადმი“ პირველი ნაწილი შევიდა — თხზულებები ბერძნულიდან თეოლოგმა ედიშერ ჭელიძემ თარგმნა.
მიტროპოლიტ დიმიტრის ინიციატივით, სნოს ხეობაში 100 ფრთა კაკაბი გაუშვეს
გარემოსდაცვითი პროექტი ადგილობრივი ეკოსისტემის შენარჩუნებისა და განვითარების მიზნით, საეკლესიო და სახელმწიფო უწყებების თანამშრომლობით განხორციელდა.
მარგვეთისა და უბისის ეპარქიას მართლმადიდებელი ეკლესიების წარმომადგენლები ეწვივნენ
საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით ჩამობრძანებულმა მღვდელმთავრებმა ეპარქიის ტაძრები და მონასტერი მოილოცეს.
მღვდელმოწამე დიონისე არეოპაგელი - ათენელი ეპისკოპოსი
ჩვენამდე მოაღწია დიონისე არეოპაგელის თხზულებებმა, რომელთაც განუზომელი მნიშვნელობა აქვთ მართლმადიდებლური ეკლესიის ღვთისმეტყველებისათვის.