საქართველოს საპატრიარქო განცხადებას ავრცელებს
სამთავროს დედათა მონასტერი. ფოტო: საზუ
საქართველოს საპატრიარქოს განცხადებით, სვეტიცხოვლობის დღესასწაულზე სამთავროს დედათა მონასტერში საღვთო ლიტურგია ქართულ ენაზე ამბა ალავერდელმა მიტროპოლიტმა დავითმა (მახარაძე) აღავლინა. მას თანამსახურებდა რუსეთის მართლმადიდებელი ეკლესიის წარმომადგენელი, ნიჟეგოროდისა და არზამასის მიტროპოლიტი გიორგი.
განცხადებაში განმარტებულია, რომ საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით ქვეყანას ადგილობრივი მართლმადიდებელი ეკლესიების დელეგაციები სტუმრობდნენ. მათმა წარმომადგენლებმა სხვადასხვა ტაძარსა და მონასტერში საღვთო ლიტურგიაში მიიღეს მონაწილეობა. რუსეთის მართლმადიდებელი ეკლესიის დელეგაციის წევრები სამთავროს დედათა მონასტერში იმყოფებოდნენ.
საპატრიარქოს განმარტებით, დამკვიდრებული საეკლესიო ტრადიცია ითვალისწინებს, რომ ადგილობრივი საეკლესიო იერარქიის კურთხევით, უცხოელ სასულიერო პირებს პატივისცემის ნიშნად მშობლიურ ენაზე გარკვეული კვერექსის ან ასამაღლებლის წარმოთქმის შესაძლებლობა მიეცეთ.
განცხადებაში აღნიშნულია, რომ აღნიშნული წესი მართლმადიდებელ ეკლესიებში მიღებული პრაქტიკაა და ამ შესაძლებლობით საზღვარგარეთ ქართველი სასულიერო პირებიც სარგებლობენ. საპატრიარქოს შეფასებით, ეს საეკლესიო ერთობისა და ურთიერთპატივისცემის გამოხატულებაა.
„სამთავროს მონასტერში საღვთო ლიტურგია რუსულ ენაზე არ ჩატარებულა და ამის შესახებ გავრცელებული ინფორმაცია სინამდვილეს არ შეესაბამება“, — ნათქვამია განცხადებაში.
საპატრიარქომ ასევე განმარტა, რომ საეკლესიო სლავური ენა, რუსეთის გარდა, სხვა არაერთ მართლმადიდებელ ეკლესიაშიც გამოიყენება.
განცხადებაში ყურადღება გამახვილდა იმაზეც, რომ საქართველოს მართლმადიდებელ ეკლესიასთან დაკავშირებული მოვლენებისა და ფაქტების მცდარი ინტერპრეტაცია საზოგადოებაში არასწორი წარმოდგენებისა და უსაფუძვლო დაპირისპირების მიზეზი არაერთხელ გამხდარა.
საქართველოს საპატრიარქომ ყველას მოუწოდა, მსგავსი საკითხების გაშუქებისას გადამოწმებულ ინფორმაციას დაეყრდნონ და თავი შეიკავონ ისეთი ცნობების გავრცელებისგან, რომლებიც საზოგადოებაში მცდარი წარმოდგენებისა და უსაფუძვლო დაპირისპირების გაჩენას უწყობს ხელს.
მართლმადიდებელ ჟურნალისტთა კავშირი წერდა, ქრისტიანობის სახელმწიფო რელიგიად გამოცხადების 1700 წლისთავის აღნიშვნა.
წაიკითხეთ ასევე
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
გამოიცა წმინდა მაქსიმე აღმსარებლის შრომათა მეორე ტომი
გამოცემაში ეპისტოლეთა სრული კორპუსი და „ამბიგვები თომასადმი“ პირველი ნაწილი შევიდა — თხზულებები ბერძნულიდან თეოლოგმა ედიშერ ჭელიძემ თარგმნა.
მიტროპოლიტ დიმიტრის ინიციატივით, სნოს ხეობაში 100 ფრთა კაკაბი გაუშვეს
გარემოსდაცვითი პროექტი ადგილობრივი ეკოსისტემის შენარჩუნებისა და განვითარების მიზნით, საეკლესიო და სახელმწიფო უწყებების თანამშრომლობით განხორციელდა.
მარგვეთისა და უბისის ეპარქიას მართლმადიდებელი ეკლესიების წარმომადგენლები ეწვივნენ
საქართველოში ქრისტიანობის სახელმწიფო რელიგიად გამოცხადების 1700 წლისთავთან დაკავშირებით ჩამობრძანებულმა მღვდელმთავრებმა ეპარქიის ტაძრები და მონასტერი მოილოცეს.
მღვდელმოწამე დიონისე არეოპაგელი - ათენელი ეპისკოპოსი
ჩვენამდე მოაღწია დიონისე არეოპაგელის თხზულებებმა, რომელთაც განუზომელი მნიშვნელობა აქვთ მართლმადიდებლური ეკლესიის ღვთისმეტყველებისათვის.