მართლმადიდებლობის საპარლამენტთაშორისო ასამბლეის დელეგაცია საქართველოს საპატრიარქოს ეწვია
მართლმადიდებლობის საპარლამენტთაშორისო ასამბლეის დელეგაცია საქართველოს საპატრიარქოში. ფოტო:
მართლმადიდებლობის საპარლამენტთაშორისო ასამბლეის ხელმძღვანელი პირები საქართველოს საპატრიარქოს ეწვივნენ, სადაც ისინი საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) მიიღო.
შეხვედრას ესწრებოდნენ საქართველოს საპატრიარქოს საზოგადოებასთან ურთიერთობის სამსახურის წარმომადგენლები, საქართველოს პარლამენტის თავმჯდომარის მოადგილე ნინო წილოსანი, მართლმადიდებლობის საპარლამენტთაშორისო ასამბლეაში საქართველოს პარლამენტის მუდმივმოქმედი დელეგაციის ხელმძღვანელი ირაკლი ქადაგიშვილი, საგარეო ურთიერთობათა კომიტეტის თავმჯდომარის პირველი მოადგილე ირაკლი შატაკიშვილი, დელეგაციის წევრი ზაზა ლომინაძე, ასევე ასამბლეის პრეზიდენტი ივან ვულპესკუ, გენერალური მდივანი მაქსიმუს ხარაკოპულოსი, მისი მრჩეველი კოსტას მიდდალისი, გენერალური მდივნის თანაშემწე სოტირის დიმაპოლოსი და დელეგაციის სხვა წარმომადგენლები.
სტუმრებმა სამძიმარი გამოთქვეს უწმინდესისა და უნეტარესის, სრულიად საქართველოს კათოლიკოს-პატრიარქის გარდაცვალების გამო და კიდევ ერთხელ გამოხატეს მწუხარება. დელეგაციის წევრებმა ისაუბრეს საქართველოს ეკლესიის წინამძღოლის უდიდეს ღვაწლსა და საერთაშორისო ავტორიტეტზე.
საპარლამენტთაშორისო ასამბლეის გენერალურმა მდივანმა მაქსიმუს ხარაკოპულოსმა გაიხსენა 18 წლის წინ საქართველოში ვიზიტი და კათოლიკოს-პატრიარქთან შეხვედრა. შეხვედრაზე მხარეებმა ასევე განიხილეს ასამბლეის საქმიანობის სპეციფიკა, ქრისტიანული ფასეულობების დაცვის მნიშვნელობა და საქართველოში მიმდინარე სამუშაო ვიზიტის დეტალები.
განსაკუთრებული ყურადღება დაეთმო იმ ფაქტს, რომ მიმდინარე წელს საქართველოში ქრისტიანობის სახელმწიფო რელიგიად გამოცხადების 1700 წლისთავი აღინიშნება. ამასთან დაკავშირებით განიხილეს ასამბლეის შესაძლო მონაწილეობა საიუბილეო ღონისძიებებში.
შეხვედრის დასასრულს მხარეებმა საჩუქრები გაცვალეს — მიტროპოლიტმა შიომ დელეგაციის წევრებს ჯვრები და ხატები გადასცა.
მართლმადიდებელ ჟურნალისტთა კავშირი წერდა, კვირაცხოვლობის დღესასწაულზე მიტროპოლიტმა დავითმა ძველი შუამთის მონასტერში საღვთო ლიტურგია აღასრულა.
წაიკითხეთ ასევე
უწმინდესისა და უნეტარესის შიო III-ის ქადაგება სულთმოფენობიდან ოცდამეერთე კვირას
,,ყოველი ჩვენგანი ცხოვრებაში – სამსახურში, ოჯახში თუ ცხოვრებისეულ გარემოებებში – ვხვდებით სირთულეებს, მწუხარებას და ძალიან განვიცდით ამის გამო, მაგრამ უფალი გვასწავლის, რომ ნუ სტირი და ნუ მწუხარებ.''- შიო III
იგეგმება მეტეხის ღვთისმშობლის ტაძრის სრული რეაბილიტაცია
პროექტი ეროვნული მნიშვნელობის ძეგლის კონსტრუქციულ გამაგრებას, ნესტით გამოწვეული დაზიანებების აღმოფხვრასა და კომპლექსის სამრეკლოსა და გალავნის რეაბილიტაციას მოიცავს.
თბილისის სასულიერო აკადემიასა და სემინარიას მოსწავლეები ეწვივნენ
სტუმრები ქრისტიანული ხელოვნებათმცოდნეობის ფაკულტეტის საქმიანობას გაეცნენ და ხატწერისა და ნაქარგობის სახელოსნოები დაათვალიერეს.
საპატრიარქომ მიტროპოლიტ თეოდორეს მღვდელმთავრობის 30 წლისთავი მიულოცა
საიუბილეო მილოცვაში მღვდელმთავარს ღვთის შემწეობა, ჯანმრთელობა და ეკლესიისა და ერის საკეთილდღეოდ მრავალჟამიერი სიცოცხლე უსურვეს.
გურჯაანისა და ველისციხის ეპარქიაში სასკოლო შეხვედრები გაგრძელდა
„ღირებულებითი განათლების“ კლუბების ფარგლებში ბაკურციხისა და ვეჯინის საჯარო სკოლებში სასულიერო პირებმა მოსწავლეებთან თემატური შეხვედრები გამართეს.
აფხაზეთის №1 საჯარო სკოლაში საგანმანათლებლო-კულტურული ღონისძიება გაიმართა
ზუგდიდში გამართულ შეხვედრაზე საქართველოს ეკლესიის ავტოკეფალიას, ქრისტიანობის სახელმწიფო რელიგიად გამოცხადების 1700 წლისთავსა და ქართული კულტურის მრავალფეროვნებას დაეთმო ყურადღება.