რუსთაველის თეატრში გაიმართა რობერტ სტურუას „ვეფხისტყაოსნის“ პირველი ნაწილის პრემიერა

კულტურის მინისტრი თინათინ რუხაძე პრემიერაზე. ფოტო: საქართველოს კულტურის სამინისტრო

კულტურის სამინისტროს მხარდაჭერით, შოთა რუსთაველის სახელობის ეროვნულ თეატრში რობერტ სტურუას სპექტაკლის — „ვეფხისტყაოსნის“ პირველი ნაწილის („ამბავი როსტევან არაბთა მეფისა“) პრემიერა გაიმართა.

საპრემიერო ჩვენებას კულტურის მინისტრი თინათინ რუხაძე პირველ მოადგილესთან მაკა გურგენიძესთან და მოადგილე გიორგი მირცხულავასთან ერთად დაესწრო.

სპექტაკლის მუსიკალურ გაფორმებაზე სვიმონ ჯანგულაშვილმა და რობერტ სტურუამ იმუშავეს. დადგმაში გია ყანჩელისა და ზაქარია ფალიაშვილის ნაწარმოებებთან ერთად გამოყენებულია ქართული საგალობლები და არაბული ტრადიციული მელოდიები. ქორეოგრაფია კოტე ფურცელაძეს ეკუთვნის.

კულტურის მინისტრის განცხადებით, წარმოდგენა რობერტ სტურუას მრავალწლიანი შრომის შედეგია და შოთა რუსთაველის გენიალური პოემის თანამედროვე, მასშტაბურ გააზრებას წარმოადგენს.

„მადლობას ვუხდი ჩვენს დიდ რეჟისორსა და შემოქმედებით გუნდს. სასიხარულოა, რომ მომავალში „ვეფხისტყაოსნის“ შემდეგი ნაწილის სასცენო ვერსიასაც ვიხილავთ,“ — აღნიშნა თინათინ რუხაძემ.

სპექტაკლი ქართული თეატრის ერთ-ერთ გამორჩეულ მოღვაწეს, სანდრო ახმეტელს, დაბადებიდან 140-ე წლისთავს ეძღვნება.

საპრემიერო ჩვენებები რუსთაველის ეროვნული თეატრის დიდ სცენაზე 6, 7, 17 და 18 აპრილს გაიმართება.

მართლმადიდებელ ჟურნალისტთა კავშირი წერდა, მარტვილში „წაჩხურობა“ 16 აპრილს აღინიშნება.

წაიკითხეთ ასევე