ზუგდიდისა და ცაიშის ეპარქიაში ყოვლადწმინდა ღვთისმშობლის სიწმინდისთვის ახალი ლუსკუმა შეიქმნა

ყოვლადწმინდა ღვთისმშობლის სიწმინდისთვის ახალი ლუსკუმა. ფოტო: ეპარქიის გვერდის სქრინშოტი

ზუგდიდისა და ცაიშის მიტროპოლიტ გერასიმეს ლოცვა-კურთხევითა და კეთილი ადამიანების თანადგომით, ყოვლადწმინდა ღვთისმშობლის სიწმინდის ჩასაბრძანებლად დიდებული ლუსკუმა შეიქმნა.

გამორჩეული ნამუშევარი ეკუთვნის ცნობილ ხელოვანს, თენგიზ მიქენაიას, რომელმაც ლუსკუმაში ქართული ლითონმქანდაკებლობის საუკუნოვანი ტრადიციების გაცოცხლება შეძლო. ლუსკუმა დამზადებულია ოქროს, ვერცხლისა და კაკლის ხისგან, რაც მას განსაკუთრებულ სიმტკიცესა და ესთეტიკურ სრულყოფილებას ანიჭებს.

ნამუშევარზე შესრულებული ახალი, ავთენტური ორნამენტები ნათლად წარმოაჩენს ხელოვანის ინდივიდუალურ ხელწერას და ამავე დროს სათუთად ინარჩუნებს იმ სულიერ და კულტურულ მემკვიდრეობას, რომელიც თაობიდან თაობას გადაეცემა.

აღნიშნული ლუსკუმა წარმოადგენს ტრადიციული ოსტატობისა და თანამედროვე შემოქმედებითი ხედვის ჰარმონიულ სინთეზს და ღირსეულად აგრძელებს ქართული საეკლესიო და კულტურული ხელოვნების მრავალსაუკუნოვან ისტორიას.

მართლმადიდებელ ჟურნალისტთა კავშირი წერდა, ზუგდიდში მაცხოვრის წინადაცვეთისა და წმინდა ბასილი დიდის დღესასწაულები ღამისთევითი ლიტურგიით აღინიშნა.