ფოთისა და ხობის ეპარქიაში 30–31 დეკემბერს მრავალმნიშვნელოვანი საეკლესიო მოვლენები ჩატარდა
ფოთისა და ხობის მიტროპოლიტი გრიგოლი (ცენტრში). ფოტო: ეპარქიის გვერდი
30 და 31 დეკემბერს ფოთისა და ხობის ეპარქიაში მნიშვნელოვანი საეკლესიო მოვლენებით დატვირთული დღეები გაიმართა. ეპარქიას სტუმრობდნენ უცხოეთში არსებული საქართველოს საპატრიარქოს ეპარქიებში მოღვაწე მღვდელმთავრები, რომლებმაც ადგილობრივ სამღვდელოებასთან და მრევლთან ერთად მიიღეს მონაწილეობა ლიტურგიულ და სამახსოვრო ღონისძიებებში.
ფოთის წმინდა გრიგოლ ღვთისმეტყველის მონასტერში აღესრულა მონაზვნის აღკვეცის წმინდა საიდუმლო, რაც განსაკუთრებულ სულიერ სიხარულად იქცა ეპარქიისთვის.
ძველი ხიბულას მართალი ლაზარეს აღდგინების სახელობის ტაძარში სამი მღვდელმთავრის მონაწილეობით შესრულდა ერთობლივი საღმრთო ლიტურგია. მსახურების დროს აღესრულა დიაკვნის კურთხევა (ხელდასხმა, ქიროტონია), რომელიც შემდგომში ჩრდილოეთ ამერიკის ქართულ ეპარქიაში გააგრძელებს მსახურებას.
ამავე დღეებში ეპარქიაში გადახდილ იქნა ტრაგიკულად დაღუპული საქართველოს რესპუბლიკის პირველი პრეზიდენტის, ზვიად გამსახურდიას სულის მოსახსენებელი პანაშვიდი, რომელსაც სასულიერო პირებთან ერთად მრევლიც დაესწრო.
აღნიშნული დღეები ფოთისა და ხობის ეპარქიის ცხოვრებაში სულიერი ერთობისა და საეკლესიო ცხოვრების გაძლიერების ნათელ მაგალითად იქცა.
მართლმადიდებელ ჟურნალისტთა კავშირი წერდა, სრულიად საქართველოს კათოლიკოს-პატრიარქ ილია მეორეს 93 წელი შეუსრულდა.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.