ავსტრალიაში ექიმს ლიცენზია ჩამოერთვა აბორტისა და სქესის შეცვლის კრიტიკის გამო

ოჯახის ექიმი ჯერეთ კოკი, რომელიც აბორტისა და სქესის შეცვლის ოპერაციის წინააღმდეგ იბრძვის. ფოტო:Daily Mail

2025 წლის 1 აგვისტოს ვიქტორიის სამოქალაქო და ადმინისტრაციულმა ტრიბუნალმა (VCAT) ავსტრალიელი ზოგადი პრაქტიკის ექიმის, ჯერეთ კოკის, აკრძალვა ძალაში დატოვა. გადაწყვეტილება მის საჯარო განცხადებებს ეფუძნებოდა, რომლებშიც ის აბორტისა და სქესის შეცვლის ოპერაციის წინააღმდეგ გამოვიდა, იუწყება Daily Mail.

კოკის მიერ სოციალურ მედიაში თითქმის ათი წლის განმავლობაში გამოქვეყნებული 54 პოსტი განიხილეს. მათში მან მკვეთრად გააკრიტიკა აბორტი, ამტკიცებდა, რომ ეს მკვლელობა იყო და მელბურნის ერთ-ერთ წამყვან საავადმყოფოს „ბავშვების განადგურების სახელმწიფო ინსტიტუტი“ უწოდა. ტრიბუნალმა დაადგინა, რომ ეს გამონათქვამები სხვა ჯანდაცვის მუშაკებს ამცირებდა და ექიმის პროფესიულ სტანდარტებს არღვევდა.

დოქტორმა კოკმა, რომელიც ქრისტიანულ პლატფორმებზე აქტიურად იყო ჩართული, აღიარა, რომ მისი ზოგიერთი პოსტი შეიძლება უხეშად ჩაითვალოს, მაგრამ თქვა, რომ მას უფლება ჰქონდა გამოეხატა თავისი რელიგიური და მორალური შეხედულებები. მან ხაზგასმით აღნიშნა, რომ ის საკუთარი სინდისის შესაბამისად მოქმედებდა და პირობა დადო, რომ უფრო ფრთხილად იქნებოდა ფორმულირებაში.

სასამართლომ ასევე განიხილა მისი განცხადებები გენდერული იდენტობისა და სექსუალობის შესახებ. კერძოდ, კოკმა ჰომოსექსუალობა დარღვევად აღწერა და სქესის შეცვლის ოპერაციებს „სამედიცინო ხოცვა-ჟლეტა“ და „ჯანსაღი სხეულების დამახინჯება“ უწოდა. ტრიბუნალის თქმით, მაშინაც კი, თუ ეს მოსაზრებები რელიგიურ შეხედულებებს ასახავს, ექიმმა უნდა იცოდეს მისი საჯარო განცხადებების გავლენა მის პროფესიულ რეპუტაციასა და მედიცინისადმი საზოგადოების ნდობაზე.

კოკის მხარდამჭერებმა გადაწყვეტილება უსამართლო უწოდეს. „ოჯახი პირველ რიგში“-ს ეროვნულმა დირექტორმა, ლაილ შელტონმა, განაცხადა, რომ ექიმი დაისაჯა არა მისი ქმედებების, არამედ მისი მოსაზრების გამო და ინციდენტს სიტყვის თავისუფლების დარღვევა უწოდა. მან ასევე ხაზგასმით აღნიშნა, რომ დოქტორ კოკმა არცერთ პაციენტს ზიანი არ მიაყენა.

ახლა ექიმის ინტერესების წარმომადგენელი ადამიანის უფლებათა ალიანსი გადაწყვეტილების გასაჩივრებას განიხილავს. VCAT-ის ხელახალი სასამართლო პროცესი სექტემბრისთვისაა დაგეგმილი.

ადრე, მჟკ-მა განაცხადა, რომ აშშ-ის შტატმა ნიუ ჰემფშირმა აკრძალა ბავშვებისთვის სქესის შეცვლის ოპერაციები.