ადვოკატს იზოლატორში მყოფი ჟურნალისტის იან ტაკსურის ნახვის უფლება არ მისცეს

მართლმადიდებელი ჟურნალისტი და პუბლიცისტი, არხის „პერშიი კოზაცკის“ წამყვანი იან ტაქსური უკრაინის უშიშროების სამსახურმა 10 მარტს დააკავა და მას შემდეგ წინასწარი დაკავების იზოლატორში იურიდიული და სამედიცინო დახმარების მიღების შესაძლებლობის გარეშე იმყოფება.

როგორც მჟკ-ს კორესპონდენტს პუბლიცისტის ვაჟმა ილია ტაკსურმა განუცხადა, ადვოკატს მამამისის ნახვის უფლებას ამ დრომდე არ აძლევენ.

„მამაჩემი ძალიან ცუდად არის წინასწარი დაკავების იზოლატორში, მას ესაჭიროება სამედიცინო დახმარება“, - განაცხადა ილიამ.

როგორც მჟკ ადრე წერდა, 10 მარტს შეიარაღებულმა პირებმა, რომლებიც წარმოადგენდნენ SBU-ს ოფიცრებს, დააკავეს ცნობილი პუბლიცისტი და მწერალი იან ტაკსური კიევში. რამდენიმე დღის შემდეგ ცნობილი გახდა, რომ მართლმადიდებელი ჟურნალისტი დააკავეს და წინასწარი დაკავების იზოლატორში მოათავსეს. ტაკსურის ოჯახის ინფორმაციით, მას ბრალი სისხლის სამართლის კოდექსის 111-ე მუხლით „ღალატი“ ედება.

წაიკითხეთ ასევე