„პოლიტიკური ტექნოლოგიების სუნი მცემს“, - პოლიტოლოგი მიტროპოლიტ ონოფრეს საქმეზე

პოლიტოლოგი ანდრეი ზოლოტარევი. ფოტო: Facebook

პოლიტოლოგი ანდრეი ზოლოტარევი უკრაინის მართლმადიდებლური ეკლესიის წინამძღვრის, მისი უნეტარესობის მიტროპოლიტ ონოფრეს მოქალაქეობის ჩამორთმევის სიტუაციას ხელისუფლების პოლიტიკურ-ტექნოლოგიურ ინტერესად მიიჩნევს. ამის შესახებ მან «Стране»-სთვის მიცემულ კომენტარში განაცხადა.

მისი აზრით, „მიტროპოლიტ ონოფრეს საქმე კარგი საპირწონეა ხელისუფლებისთვის არახელსაყრელი რამდენიმე ახალი ამბისა - ვიცე-პრემიერ ჩერნიშოვისთვის გადახდილი 120 მილიონი გრივნა გირაო, დნეპროპეტროვსკის რეგიონში დასახლების ჩამორთმევა, საუბარი ამერიკელების მიერ ომის დატოვებასა და სამხედრო მარაგების „გაყინვაზე“ ან შემცირებაზე“.

„პოლიტიკური ტექნოლოგიების სუნი ასდის ამ ყველაფერს!“ - ამბობს ექსპერტი.

ზოლოტარევი ასევე მიიჩნევს, რომ ეკლესიის მრევლი, ეკლესიაზე ზეწოლის ახალი მცდელობის გამო, „სახელმწიფოსგან კიდევ უფრო მეტ გაუცხოებას იგრძნობს“.

„როგორი დამოკიდებულება შეიძლება არსებობდეს სახელმწიფოს მიმართ, თუ მთავრობა დისკრიმინაციას ახდენს აღმსარებლობის საფუძველზე? ეს წმინდა ბოლშევიკური პრაქტიკაა, რომლისთვისაც უკრაინას მოუწევს გადახდა“, - აღნიშნავს ის.

პოლიტოლოგი მიიჩნევს, რომ „ხელისუფლების ზოგადი ხაზია უმე-ს რელიგიური ცხოვრებიდან სრულად განდევნა“.

„თუ მათ სჭირდებათ უმე-ის ახალი წინამძღვარი, მაშინ მხოლოდ ის, ვინც დათანხმდება მის შთანთქმას მეუ-ს მიერ. თუმცა, აქცენტი კვლავ ეკლესიასთან მუშაობის ძალისმიერ მეთოდებზე გაკეთდება“, - აღნიშნავს ზოლოტარევი. როგორც მჟკ-მა დაწერა, უკრაინის მართლმადიდებლური ეკლესიის პროტოდიაკონმა და ყოფილმა პარლამენტის წევრმა ვადიმ ნოვინსკიმ, წყაროებზე დაყრდნობით, ზელენსკის მიერ უკრაინის მართლმადიდებლური ეკლესიის დაშლისა და განადგურების გეგმაზე ისაუბრა: „პრეზიდენტის ადმინისტრაციის სიღრმეში შემუშავდა გეგმა: მისი უნეტარესობის, ონოფრეს მოქალაქეობის ჩამორთმევით და შესაძლოა ქვეყნიდან გაძევებით, კიევის მიტროპოლიის მეთაურის გარეშ დატოვებით, ერთ-ერთი უძველესი მიტროპოლიტის მოსაყდრედ დანიშვნით და შემდეგ უკრაინის მართლმადიდებლური ეკლესიის ეპისკოპოსთა საბჭოს მოწვევით უკრაინის მართლმადიდებლური ეკლესიის უშუალო კონტროლის ქვეშ, რათა წინამძღვრად აირჩიონ ერთ-ერთი ეპისკოპოსი, რომელიც ხელისუფლების მიმართ გაზრდილ ლოიალობას გამოავლენს“.