რმე აფრიკის კონტინენტიდან უკვე აღარ წავა, - კლინის მიტროპოლიტი ლეონიდე

რუსეთის მართლმადიდებელი ეკლესია გააგრძელებს თავის მისიას აფრიკის კონტინენტზე, მიუხედავად იმისა, თუ როგორ განვითარდება შემდგომში მოვლენები მსოფლიო მართლმადიდებლობაში, თქვა აფრიკის საპატრიარქო ეგზარქოსმა, კლინის მიტროპოლიტმა ლეონიდემ თავის telegram-არხზე გამოქვეყნებულ კომენტარში მასმედიისთვის, რომელიც ეხებოდა ალექსანდრიის საპატრიარქოს ინიციატივას „პენტარქიის“ საბჭოს მოწვევის თაობაზე აფრიკაში რმე-ის საპატრიარქო ეგზარქატის შექმნასთან დაკავშირებით.

„მიუხედავად შექმნილი ვითარებისა, რუსეთის მართლმადიდებელი ეკლესია აფრიკის კონტინენტიდან უკვე აღარ წავა“, - აღნიშნა აფრიკის საპატრიარქო ეგზარქოსმა. ის დარწმუნებულია, რომ ეკლესიების უმრავლესობა მხარს დაუჭერს რმე-ის გადაწყვეტილებას, რადგან ისინი ხედავენ მის სიმართლეს.

„ჩვენ ორიენტირებულები ვართ იმ კანონიკურობაზე, რომელსაც ვიცავთ. მაგრამ მე ერთი წამითაც ეჭვი არ მეპარება, რომ მსოფლიო მართლმადიდებლობის მთელი სისავსე - მხედველობაში მაქვს ბევრი მართლმადიდებელი ადგილობრივი ეკლესია - რა თქმა უნდა, მხარს დაუჭერენ ჩვენს გადაწყვეტილებას. იმიტომ რომ, მათ ესმით,  სიმართლე ჩვენთან არის, ჩვენს მხარეზეა“, - დაამატა მიტროპოლიტმა ლეონიდემ.

როგორც მჟკ იუწყებოდა, რმე-ის აგზარქოსი აფრიკაში თვლის, რომ 5 ეკლესიის წინამძღოლთა თათბირის („პენტარქია“, - რედ.) ჩატარების შემთხვევაში, მასში მონაწილეობას მიიღებენ მხოლოდ ბერძენი წინამძღოლები, რაც გამოიწვევს ამ პროცესის მონაწილეთა საბოლოო დისკრედიტირებას.

წაიკითხეთ ასევე