უნეტარესმა კიევ-პეჩერის ლავრაში მწუხრი ჩაატარა, რომლის დროსაც გარდამოხსნა გამოაბრძანეს

მისი უნეტარესი მიტროპოლიტი ონოფრე კიევ-პეჩორის ლავრაში წირვას აღავლენს. ფოტო: УПЦ

2025 წლის 18 აპრილს, დიდ პარასკევს, კიევისა და სრულიად უკრაინის უნეტარესმა მიტროპოლიტმა ონოფრემ კიევ-პეჩერის ლავრის ღირსი  აღაპიტეს ტაძარში ჩაატარა მწუხრი, რომლის დროსაც გამოაბრძანეს წმინდა გარდამოხსნა უფლისა ჩვენისა იესო ქრისტესი, იუწყება უმე-ს პრეს-სამსახური.

წინამძღოლთან თანამსახურებდნენ უმე-ს საქმეთა მმართველი, ბორისპოლისა და ბროვარსკის მიტროპოლიტი ანტონი, ირპენის ეპისკოპოსი ლავროსი, ბოროდნიანსკის ეპისკოპოსი მარკოზი და მონასტრის სამღვდელოება. 

გარდამოხსნის გამობრძანების შემდეგ უნეტარესმა მეუფემ ქადაგებით მიმართა მრევლს.

უნეტარესმა მიტროპოლიტმა წაიკითხა დიდი პარასკევის მცირე მწუხრის „უფლის ჯვარცმისა და ყოვლადწმინდა ღვთისმშობლის დატირების“ საგანგებო კანონი.

დასასრულს წინამძღოლი, მღვდელმსახურები და მორწმუნეები მუხლმოდრეკით მიეახლნენ ჩვენი უფლის იესო ქრისტეს გარდამოხსნას.

დიდი პარასკევის წინა დღით, 17 აპრილს, მიტროპოლიტმა ონოფრემ ღირსი  აღაპიტე პეჩერელის ტაძარში ჩაატარა ცისკარი 12 ვნების სახარების კითხვით. ხოლო დიდ ხუთშაბათს, დილით - მწუხრი და წმინდა ბასილი დიდის საღმრთო ლიტურგია.

მანამდე მჟკ-მ ვნების შვიდეულის მოვლენები დღეების მიხედვით აღწერა.