„კიბორგი“: ჯარში ერთმნიშვნელოვნად უნდა იყვნენ უმე-ს კაპელანები

სერგეი ბელოშიცკი. ფოტო: news.church.ua

უკრაინის შეიარაღებული ძალების 92-ე ცალკეული სადესანტო საიერიშო ბატალიონის პირველი ასეულის  მეორე ოცეულის მეთაური, რომელიც 2014 წელს იბრძოდა დონეცკის აეროპორტში, „კიბორგი“ სერგეი ბილოშიცკი ემხრობა იმ აზრს, რომ უშძ სამხედრომოსამსახურეები სულიერ საზრდოს უნდა იღებდნენ უკრაინის მართლმადიდებელი ეკლესიის კაპელანებისგან, ხოლო ამის აკრძალვას №4626 კანონპროექტის საშუალებით კონსტიტუციის დარღვევად მიიჩნევს.

ის ყვებოდა, რომ რეგულარულად ესწრება ღვთისმსახურებებს უმე-ს ტაძარში ჟიტომირში და ხვდება იქ უშძ-ის მოქმედ სამხედრომოსამსახურეებს. „ბევრს ვხვდები, მოდიან ტაძარში ფორმებში, ჩვენი ეკლესიის მორწმუნეები არიან. ბევრს ვიცნობ და ვმეგობრობ კიდევაც. ამიტომ კაპელანობა ჩვენი ეკლესიის მხრიდან აუცილებლად უნდა იყოს“, - თქვა „კიბორგმა“.

ის აგრეთვე თვლის, რომ უმე-ს კაპელანების აკრძალვა უკრაინის კონსტიტუციის დარღვევაა, რომელიც ყველა მოქალაქისთვის რწმენის თავისუფლების გარანტიას იძლევა, მათ შორის სამხედრომოსამსახურეებისთვისაც. „თუ ჩვენს ეკლესიას ჯარში კრძალავენ, ხოლო სხვა რელიგიურ ორგანიზაციებს უშვებენ, მაშინ შეუცვალონ დასახელება სხვა ეკლესიებს და გადააკეთონ ისინი სახელმწიფო სტრუქტურებად  უშძ-ის შემადგენლობაში. სხვა შემთხვევაში ეს კონსტიტუციის პირდაპირი დარღვევაა. ყველას აქვს თავისი რწმენის უფლება“, - დაასკვნა ბელოშიცკიმ.

როგორც მჟკ იუწყებოდა, «Миряне»-მ (ერისკაცებმა) განმარტეს, რომ კანონპროექტი ნებას მისცემს უმე-ს სულიერი დახმარება გაუწიოს მის ერთგულებს ჯარში.

წაიკითხეთ ასევე