ვოლინის ეპარქიაში მიტაცებული მეუ-ს სანაცვლოდ აკურთხეს უმე-ს ახალი ტაძარი

არქიეპისკოპოსმა ნათანაილმა აკურთხა ტაძრი ვოლინის ოლქის სოფელ ზვინიაჩეში. ფოტო: pravoslavna.volyn.ua

4 სექტემბერს ვოლინისა და ლუცკის არქიეპისკოპოსმა ნათანაილმა საღვთო ლიტურგიის დროს აკურთხა ტაძარი ვოლინის ოლქის სოფელ ზვინიაჩეში მირონ-ლუკიის მთავარეპისკოპოსის, წმინდა ნიკოლოზის სახელზე, იუწყება ვოლინის ეპარქიის პრეს-სამსახური.

არქიეპისკოპოს ნათანაილთან ერთად იმსახურეს რაიონის კეთილმსახურმა წინამძღვარმა ვალერი პილიპჩუკმა, ეპარქიის კანცელარიის გამგემ არქიმანდრიტმა პაისიმ (ხომიჩი), ტაძრის წინამძღვარმა მღვდელმა სერგეი ბაჩინსკიმ, ეპარქიის სამღვდელოებამ და სტუმრებმა სამღვდელო ხარისხში.

პატარა შესასვლელთან ვოლინის ეპარქიის მმართველმა ტაძრის წინამძღვარი აიყვანა დეკანოზის ხარისხში და უბოძა უმაღლესი საეკლესიო ჯილდო- მიტრის ტარების უფლება.

საღვთო მსახურების დროს მორწმინეემა ილოცეს უკრაინაში მშვიდობისა და მსოფლიო მართლმადიდებლობაში ერთიანობისათვის. ასევე აღევლინა ლოცვები კორონავირუსის დამარცხებისა და სამედიცინო პერსონალის ჯანმრთელობისათვის.

საღვთო ლიტურგიის შემდეგ არქიეპისკოპოსმა ნათანაილმა ყველა დამსწრეს მისასალმებელი სიტყვით მიმართა.

შეგახსენებთ, 2019 წლის 10 მარტს სოფელ ზვინიაჩეს წმინდა ნიკოლოზის ტაძარი გადავიდა მეუ-ს იურისდიქციის ქვეშ. 60-ზე მეტმა სოფლის მაცხოვრებელმა შეინახა კანონიკური ეკლესიისადმი ერთგულება და აგრძელებენ ღვთისმსახურებას ძველ სახლში.

როგორც ადრე მჟკ იუწყებოდა, ბრონიცის ტაძარში, რომელიც აშენდა მიტაცებულის სანაცვლოდ, გახსნეს საკვირაო სკოლა.