ეთნოპოლიტიკის სახელმწიფო სამსახურმა დააინიცირა უმე-ს ქონების აუდიტი სრულიად უკრაინის მასშტაბით

ბოქლომდადებული უმე-ის ტაძარი. ფოტო: УПЦ

უკრაინის კულტურისა და საინფორმაციო პოლიტიკის სამინისტრომ, უმაღლესი რადის პროფილურმა კომიტეტმა და ეთნოპოლიტიკის სახელმწიფო სამსახურმა ჩაატარეს თათბირი, სადაც მიიღეს გადაწყვეტილება უმე-ს რელიგიური სამრევლოების ქონების სრულიად უკრაინული აუდიტის ჩატარების შესახებ, რომლის ექპროპრიაციას სახელმწიფო ალბათ უახლოეს მომავალში განახორციელებს. ამის შესახებ წერს კულტურის სამინისტროს პრეს-სამსახურის გამომცემლობა.

იუწყებიან, რომ მოსმენებში მონაწილეობდა 100-ზე მეტი მოხელე, ექსპერტი და სახალხო დეპუტატი, აგრეთვე წარმომადგენლები ადგილობრივი ორგანიზაციებიდან და რელიგიათმცოდნეები.

„კულტურის სამინისტრომ უკვე დაიწყო რელიგიური ორგანიზაციების მიერ გამოყენებული ობიექტების შემოწმება, რომ დარღვევების გამოვლენის შემთხვევაში შესაძლებელი გახდეს ქონების დაბრუნება“, - ნათქვამია უწყებაში.

კულტურის სამინისტროსა და სტრატეგიული კომუნიკაციების სახელმწიფო მდივნის მოვალეობის დროებით შემსრულებელი ელენე ზემლიანაია იუწყება, რომ მინისტრთა კაბინეტმა გამოსცა ბრძანება, რომელიც კულტურის სამინისტროს რეგიონალურ ქვეგანაყოფებს აძლევს უფლებას, რომ მათ ადგილობრივად ჩაატარონ აუცილებელი შემოწმებები.

ჩვენ სამინისტროსადმი დაქვემდებარებულ დაწესებულებებისთვის  მოვამზადეთ დავალება - ქონების აუდიტის ჩატარება, რომელსაც რელიგიური ორგანიზაციები იყენებენ. ეს ხელს შეუწყობს ქონების დასაბრუნებლად კანონის ნორმების გამოყენებას მისი ძალაში შესვლის  შემდეგ. პასუხები უკვე მოდის“, - განაცხადა ზემლიანაიამ.

მოსმენების შედეგების მიხედვით, მიღებულ იქნა გადაწყვეტილება, რომ მინისტრთა კაბინეტს შესთავაზონ აქტების და სხვა ამოცანების პროექტების მომზადების ორგანიზების გეგმის შესრულება, რაც აუცილებელია „რელიგიურ ორგანიზაციათა მოქმედების სფეროში საკონსტიტუციო მოწყობის დაცვის შესახებ“ უკრაინული კანონის რეალიზებისთვის, აგრეთვე უნდა გაიზარდოს ეთნოპოლიტიკის სახელმწიფო სამსახურის დაფინანსება.

როგორც მჟკ იუწყებოდა, 23 სექტემბერს ძალაში შევიდა კანონი „რელიგიურ ორგანიზაციათა მოქმედების სფეროში საკონსტიტუციო მოწყობის დაცვის შესახებ“, რომელსაც 20 აგვისტოს ხმა მისცა უმაღლესმა რადამ, ხოლო 24 აგვისტოს უკრაინის პრეზიდენტმა ვლადიმერ ზელენსკიმ მას ხელი მოაწერა.

წაიკითხეთ ასევე