პაპმა გადაიფიქრა ღვთისმშობლის ტაძრის გახსნაზე პარიზში ჩასვლა

რომის პაპი ფრანცისკე. ფოტო: focus.ua

რომის პაპი ფრანცისკე გამოეხმაურა მოწვევას, დაესწროს პარიზის ღვთისმშობლის ტაძრის ხელახალი გახსნის ცერემონიას, რომელიც დაგეგმილია 7-8 დეკემბერს, იუწყება The European Conservative. პონტიფიკოსმა კატეგორიულად განაცხადა, რომ ის არ მიიღებს მონაწილეობას ტაძრის გახსნაში. ხუთი წლის წინ ძლიერი ხანძრის შედეგად თითქმის განადგურდა მსოფლიოს ერთ-ერთი ყველაზე ცნობილი ეკლესია.

”მე არ წავალ პარიზში, არ წავალ პარიზში”, - ასე გადამწყვეტად გამოთქვა უარი რომის პაპმა ფრანცისკემ საფრანგეთის ხელისუფლების მოწვევის საპასუხოდ.

პარიზში გამგზავრების გაუქმების შემდეგ, რომის პაპ ფრანცისკეს ჰკითხეს მისი სამომავლო გეგმების შესახებ. მიუხედავად იმისა, რომ მან მშობლიურ არგენტინაში ჩასვლის სურვილი გამოთქვა, კონკრეტული თარიღები არ გამოცხადებულა. თუმცა, პონტიფიკოსმა მიანიშნა, რომ მისი ერთ-ერთი შემდეგი მოგზაურობა შეიძლება იყოს კანარის კუნძულებზე, სადაც მას სურს "მხარდაჭერა გამოუცხადოს ადგილობრივ ხელისუფლებასა და მოსახლეობას". კუნძულები ახლა აფრიკიდან ლტოლვილების ნაკადს აწყდება, რომლებიც ამ გზით ესპანეთისკენ მიდიან, იტალიაში საიმიგრაციო წესების გამკაცრების ფონზე.

როგორც მჟკ იტყობინება, ვატიკანმა გამოთქვა სინანული პარიზში ოლიმპიური თამაშების გახსნის ცერემონიის ზოგიერთი სცენის გამო, „პრესტიჟული მოვლენა, სადაც მთელი მსოფლიო ერთიანდება საერთო ღირებულებების ირგვლივ“ და სადაც ”არ უნდა არსებობდეს ქვეტექსტი, რომლებიც დასცინის მრავალი ადამიანის რელიგიურ მრწამსს.”