პოლიციამ გადაკეტა კიევში ანდრეევსკის დაღმართი ბართლომეს ვიზიტის გამო

ისტორიული ანდრეევისეული ეკლესიის შესასვლელი პოლიციამ გადაკეტა. ფოტო: vesti.ua

უკრაინის ეროვნული პოლიციის თანამშრომლებმა გადაკეტეს მოძრაობა კიევის პოდოლსკის რაიონში ანდრეევსკის ისტორიულ დაღმართზე კონსტანტინოპოლის პატრიარქ ბართლომეს წმინდა ანდრიას ტაძარში მისვლის გამო, გვატყობინებს ინტერნეტ-გამოცემა „ვესტი“.

სამართალდამცავებმა სრულად გადაკეტეს კიევის ისტორიულ ტაძართან მისასვლელი ფანარიონის მეთაურის მიერ იქ საღამოს ღვთისმსახურების ჩატარების გამო. ადრე კონსტანტინოპოლის პატრიარქის ვიზიტის გამო გადაიკეტა მისასვლელები სასტუმრო „კიევთან“ პატრიარქ ბართლომეს ვიზიტის გამო.

წმინდა ანდრიას ტაძარი შედის „კიევის სოფიას“ ნაციონალური ნაკრძალის შემადგენლობაში. პრეზიდენტ პეტრე პოროშენკოს დროს უმაღლესმა რადამ მიიღო კანონი, რომლის თანახმადაც ისტორიული ტაძარი უსასყიდლოდ გადასცეს სარგებლობაში კონსტანტინოპოლის საპატრიარქოს სტავროპოგიის განსათავსებლად. უკვე ვლადიმირ ზელენსკის დროს დოკუმენტურად გაფორმდა ხელშეკრულება სტამბულიდან რელიგიურ ორგანიზაციასა და უკრაინის ნაციონალური ნაკრძალის ხელმძღვანელობას შორის. დოკუმენტის თანახმად, ფანარიონის წარმომადგენლებს ამჟამად უფლება აქვთ XIII საუკუნის არქიტექტურის ძეგლში რეგულარული ღვთისმსახურება ჩაატარონ. თუმცა, წმინდა ანდრიას ტაძარში ისინი მსახურობდნენ ხელშეკრულების ხელმოწერამდეც.

როგორც მჟკ გვატყობინებს, უმე-ს მორწმუნეებმა ლოცვითი დგომა განახორციელეს უმაღლეს რადასთან კონსტანტინოპოლის პატრიარქ ბართლომესთან შეხვედრის მოთხოვნით, რომელიც უკრაინას ეწვია პრეზიდენტ ვლადიმირი ზელენსკის მოწვევით. მჟკ ლოცვითი დგომის პირდაპირ ტრანსლაციას ახორციელებდა.

წაიკითხეთ ასევე