პროსეკო, მადონა და ცეკვა: ინგლისის ეკლესიის მთავარ საკათედრო ტაძარში დისკოთეკა მოაწყვეს

დისკოთეკა კენტერბერის ტაძარში. ფოტო: canterbury-cathedral.org

15 და 16 აგვისტოს ლონდონის კენტერბერის საკათედრო ტაძარში ღვთისმშობლის მიძინების დღესასწაულისადმი მიძღვნილი დისკოთეკები გაიმართება. 80-იანი წლების "უნიკალურ" დისკოთეკაზე მოწვევა გამოქვეყნდა კენტერბერის ტაძრის ვებსაიტზე.

ნათქვამია, რომ "ეს ღონისძიება გააერთიანებს რეტრო მუსიკის მოყვარულებს დიდებული ტაძრის თაღების ქვეშ".

სტუმრებს ელოდებათ "დაუვიწყარ საღამოს ჰიტებით ისეთი ცნობილი შემსრულებლებისგან, როგორებიც არიან კაილი მინოუგი, მადონა და პრინცი" და "დიდი ბრიტანეთის საუკეთესო დიჯეები შექმნიან ატმოსფეროს, რომელიც სავსეა ძლიერი პოპით, კომერციული როკით და სასიამოვნო წვეულებით."

ღონისძიება „მოიცავს ლიმიტირებულ ბარს კოქტეილებით, პროსეკოს მინი ბოთლებით და სხვა სასმელებით“. ორგანიზატორებმა პირობა დადეს, რომ "საკათედრო ტაძარი სანახაობრივად განათდება, რაც შესანიშნავ ატმოსფეროს შექმნის ცეკვისთვის".

დისკოთეკაში შესვლა ღირს 25,95 ფუნტი, ხოლო VIP შესვლის ღირებულება 32,95 ფუნტი.

მანამდე მჟკ წერდა, რომ სოციალურ ქსელში გავრცელდა ვიდეო, სადაც დედაქალაქში სამღვდელო სამოსში ჩაცმული ახალგაზრდა მკრეხელურ ცეკვას ასრულებდა.