მექაში მზის დარტყმის შედეგად დაღუპულ მომლოცველთა რიცხვმა 1 ათასს გადააჭარბა

მუსლიმი მომლოცველები ჰაჯის დროს მექაში, საუდის არაბეთი. 2024 წლის ფოტო: x.com/AFP

საუდის არაბეთში ჰაჯის აღმსრულებელი მუსლიმი მომლოცველების მზის დარტყმის შედეგად დაღუპულთა რიცხვმა 1000-ს გადააჭარბა. ამის შესახებ Agence France-Presse საკუთარ გათვლებზე დაყრდნობით წერს.

მათგან ნახევარზე მეტი დაურეგისტრირებელი მორწმუნეა.

საუდის არაბეთის ხელისუფლებამ გასულ კვირას განაცხადა, რომ დაახლოებით 2000-მა ადამიანმა მიმართა დახმარების სათხოვნელად ექიმებს მზის დარტყმის დიაგნოზით.

ჰაჯი 14 ივნისს დაიწყო და ხუთ დღეს გაგრძელდა. ხელისუფლების ცნობით, მასში მონაწილეობა 1,8 მილიონმა მომლოცველმა მიიღო. ჰაჯის ზოგიერთ დღეს მექას მიდამოებში ტემპერატურა 50 გრადუს ცელსიუსს აჭარბებდა.

ჰაჯის დროს მომლოცველთა მასობრივი სიკვდილი თითქმის ყოველწლიურად ხდება. სიცხის გარდა, ადამიანები ხშირად იღუპებიან ჭყლეტაში. დაღუპულთა მაქსიმალური რაოდენობა 2015 წელს დაფიქსირდა - მაშინ ჭყლეტაში 2,1 ათასი ადამიანი დაიღუპა.

როგორც მჟკ წერდა, AFP ადრე იტყობინება, რომ 550 მომლოცველი გარდაიცვალა გადახურებისგან. სააგენტოს ცნობით,  დაღუპულთა ნახევარზე მეტი ეგვიპტის მოქალაქე იყო.